ՀՀ ռուսական ավիաբազան համալրվում է ինքնաթիռների և ուղղաթիռների հերթական խմբաքանակով20 փետրվարի 2016 - 15:27 AMT PanARMENIAN.Net - Հայաստանի «Էրեբունի» ավիացիոն ռազմաբազան համալրվում է չորրորդ սերնդի ՄիԳ-29 կործանիչներով (4 միավոր), արդիականացված ՄիԳ-29Ս-ով և Մի-8ՄՏ տրանսպորտային ուղղաթիռով, որոնք ենթարկվել են հիմնանորոգման: Առաջիկա օրերին ավիատեխնիկան ռազմատրանսպորտային ավիացիայի օգնությամբ Կրասնոդարի մարզից կտեղափոխվի Երևան: Առաջիկայում 4+ սերնդի ճակատային կործանիչները և Մի-8ՄՏ ուղղաթիռը կհավաքվեն միավորման ինժեներատեխնիկական անձնակազմի կողմից և կգործարկվեն: Միավորման օդաչուները կսկսեն ՄիԳ-29 կործանիչների փորձարկումները մարտի կեսից, հայտնում է ՌԴ պաշտպանության նախարարության կայքը: ՄիԳ-29Ս հիմնական տարբերությունն այն է, որ նրա վառելիքի բակը 240 լ ավելի շատ վառելիք է տանում, այն հագեցած է օդաչուի կատապուլտի համար նախատեսված արդիականացված նստատեղով, մարտական բեռնվածությունը հասցված է 4 հազար կգ, արդիականացված է նաև ռադիոտեղորոշիչ սարքը: Ավելի վաղ արդեն հայտարարվել էր, որ ավիաբազայի ինժեներատեխնիկական կազմը սկսել է պատրաստել հատուկ հագեցվածության կայանատեղիներ նոր ավիացիոն տեխնիկայի համար, այդ թվում հատուկ հավաքվող-ապամոնտաժվող մոդուլներ ինքնաթիռների և ուղղաթիռների համար: 2015-ի դեկտեմբերին Ռուսաստանը համալրել է Հայատանում գտնվող ռազմակայանը մարտկան և տրանսպորտային ուղղաթիռների նոր խմբաքանակով: Երևանի «Էրեբունի» օդանավակայանում տեղակայված ռուսաստանյան ավիաբազան նույնպես Ռուսաստանի ԶՈւ Հարավային ռազմական շրջանի մեջ մտնող, Գյումրիում տեղակայված 102-րդ ռազմաբազայի կազմում է: Ռազմական օդանավակայանը համատեղ օգտագործում են ՀՀ ԶՈւ-ի ստորաբաժանումները և ՀՀ-ում տեղակայված 102-րդ ռուսաստանյան ռազմաբազան։ «Էրեբունիում» են կայանում հայկական զինուժի Մի-8 և Մի-24 ուղղաթիռներ, ինչպես նաև ռուսաստանյան ռազմաբազայի ՄիԳ-29 կործանիչները: Այժմ «Էրեբունի» ավիաբազայում տեղակայված է չորրորդ սերնդի Միգ-29 9 կործանիչ: Հունվարին ռուսական ռազմակայանը ժամանակակից ռուսական արտադրության «Տախիոն» անօդաչու սարքեր է ստացել: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Տավուշում սահմանազատված հատվածների արձանագրության ստորագրման ժամկետը լրանում է Հստակ չէ նաև հարցը, թե արդեն իսկ սահմանազատված հատվածներից Հայաստանի Զինված ուժերն արդեն պետք է ե՞տ քաշվեն, թե՞ դեռ ոչ Գրավյալ Արցախում տոնելու են ռուս խաղաղապահների դուրսբերումը․ Հանդիսավոր արարողություն է լինելու Հարթակում, որտեղ անցնելու է միջոցառումը, տեղադրված են Ադրբեջանի և ՌԴ դրոշներ Մի դրամի ուժն ամփոփում է «Դասավանդիր, Հայաստանի» հետ երկամյա ծրագիրը Ընկերություններին այցի ժամանակ միացել էր նաև Իդրամ Ջունիորը՝ իր հետ բերելով ինտելեկտուալ խաղ երեխաների համա ՀՀ–ն և Ֆրանսիան կընդլայնեն գործակցությունը քաղավիացիայի ոլորտում․ Համաձայնագիր կա Կներգրավվեն համապատասխան մասնագետներ, մասնագիտական գիտելիքների և լավագույն փորձի փոխանակում կիրականացվի |