  ԱՄՆ Ջորջիա նահանգի Սենատն ապրիլը Ցեղասպանության մասին իրազեկման ամիս է ճանաչել 3 մարտի 2016 - 17:12 AMT PanARMENIAN.Net - Մարտի 2-ին ԱՄՆ Ջորջիա նահանգի Սենատն ընդունել է թիվ 991 բանաձևը, որով «2016-ի ապրիլը ճանաչվել է որպես ցեղասպանության մասին իրազեկման և կանխարգելման ամիս», հայտնում է Ամերիկայի Հայկական համագումարը: Բանաձևում ասվում է, որ «շրջանառության մեջ դնելով «ցեղասպանություն» եզրույթը, Ռաֆայել Լեմկինը հետազոտել է հայ բնակչության և այլ քրիստոնյա համայնքների բռնի ուծացման, բռնագաղթի և բնաջնջման փաստերը` նշելով 1939 թվականի Հիտլերի հայտնի արտահայտությունն այն մասին, թե ով է հիմա հիշում հայերի ջարդերի մասին»: «Ինձ համար մեծ պատիվ է հանդիպել և միասնական լինել Ջորջիա նահանգի Սենատի անդամների հետ` ապրիլը որպես ցեղասպանության մասին իրազեկման ամիս ճանաչելու գործում»,-ասել է Ջորջիա նահանգի Հայկական համագումարի նախագահ Վահան Քասաբյանը, որը ներկա է եղել օրինագծի ընդունմանը: «Բանաձևին սատարել են երկու կուսակցությունները, մենք ընդլայնելու ենք մեր ջանքերն` ուղղված Ցեղասպանության ճանաչմանն ու իրազեկմանը մարդու իրավունքների վերաբերյալ մեր կրթական ծրագրում»,-հավելել է Քասաբյանը: Բանաձևը որպես ցեղասպանության փաստեր հղում է անում եվրոպացի հրեաների հոլոքոսթին, Կամբոջայի, Բոսնիայի, Իրաքի, Ռուանդայի, Սուդանի ցեղասպանություններին, ինչպես նաև «Իսլամական պետության» գործողություններին Սիրիայում և Իրաքում: 2015-ին ԱՄՆ Ջորջիա նահանգի Ներկայացուցիչների պալատը հարգանքի տուրք մատուցեց Հայոց ցեղասպանության զոհերի հիշատակին` ընդունելով H.R. 904 բանաձևը, որով ապրիլի 24-ը նահանգում հայտարարվեց Հայոց ցեղասպանության զոհերի հիշատակի օր:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
