Լոս Անջելեսի քաղաքապետը դատապարտել է հայ ընտանիքի հանդեպ ատելության դրսևորումը22 ապրիլի 2016 - 16:26 AMT PanARMENIAN.Net - Լոս Անջելեսի քաղաքապետ Էրիկ Գարսետին ապրիլի 21-ին հանդես է եկել հայտարարությամբ` դատապարտելով միջադեպը, որը տեղի էր ունեցել ապրիլի կեսին, երբ հայ ընտանիքը սպառնալից նամակ էր ստացել տան մոտ կախված հայկական դրոշի պատճառով, հայտնում է Asbarez-ը: «Մենք մտադիր չենք հանդուրժել հանցագործությունները, որոնց նպատակը ոչ միայն վնաս պատճառելն է, այլ նաև ահաբեկելը»,-ասել է Գարսետին: «Այս շաբաթ ոգեկոչվելու է Հայոց ցեղասպանության զոհերի հիշատակը, և մենք պետք է ընդունենք, որ կան հայ համայնքի դեմ կանխակալ վերաբերմունքի դրսևորումներ: Այլատյացության փաստերը, որոնց ականատաեսը եղավ Չաթալյանների ընտանիքը, պետք է բացառվեն Լոս Անջելեսում: Այս քաղաքում մենք չենք վանում մարդկանց, մենք միավորվում ենք: Մենք պետք է սիրով և հարգանքով վերաբերվենք միմյանց և հրաժարվենք մեզ պառակտող ցանկացած գաղափարախոսությունից»,-ասել է քաղաքապետը: ՄՆ Կալիֆորնիա նահանգի Տոխունգա քաղաքում բնակվող հայուհի Հասմիկ Չաթալյանը և իր ընտանիքը սպառնալիքներ են ստացել տան դռանը կախված հայկական դրոշի պատճառով: Ինչպես հաղորդում է ABC-ն, Չաթալյանը ստացել է նամակ, որտեղ, մասնավորապես, ասվում էր, թե նա «անարգում է» ամերիկացիներին հայկական դրոշ կախելով: «Դու ապրում ես ԱՄՆ-ում, ով ունի զինվորներ, ովքեր սպանվում են, որ քեզ չմորթեն շան նման, ինչպես թուրքերն արեցին... դու նյարդայնացնում ես մեզ, ու մենք քեզ այդ համար կվնասենք», - գրված էր նամակում: Ոստիկաններն ատելության հողի վրա միջադեպի հետքերով քրգործ են հարուցել ու առգրավել են նամակը՝ մատնահետքեր վերցնելու համար: Չաթալյանների հարևանները հայտնել են, որ մեկ տարի առաջ նրանց մեքենայի վրա ձվեր են նետել, երբ ընտանիքը հայկական դրոշ է կախել նրա վրա: Ընտանիքը, սակայն, վախեցած չէ. Չաթալյանը ոչ միայն չի հեռացրել դրոշն, այլև կախել է երկրորդը: Նա հորդորել է տարածքում բնակվող բոլոր հայերին նույն կերպ վարվել: Կոնգրեսական Ադամ Շիֆը ևս վճռականորեն դատապարտել է միջադեպը: «Այլատյացության փաստը, որի վկաները դարձանք Տախունգա քաղաքում, չպետք է տեղ ունենա մեր հանրության շրջանում: Ես խորապես մտահոգված եմ, որ ինչ-որ մեկը կարող է սպառնալիքներ ստանալ հայ լինելու կամ իր տան մոտ հայկական դրոշ կախելու համար»,-ասե է նա: «Լեռնային Ղարաբաղում բազմաթիվ հայերի կյանքեր խլած սրացումից անմիջապես հետո, և Հայոց ցեղասպանության տարելիցից մի քանի շաբաթ առաջ ատելության այս դրսևորումը էլ ավելի պարսավելի է: Ես ուրախ եմ, որ Լոս Անջելեսի ոստիկանությունը հետաքննում է միջադեպը որպես ատելության վրա հիմնված հանցագործություն»,-ասել է Շիֆը: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |