Ամերիկահայերը կոչ են արել Ուորլիքին դատապարտել Ադրբեջանի ագրեսիան 5 մայիսի 2016 - 13:53 AMT PanARMENIAN.Net - ՀՅԴ ԱՄՆ Արևելյան և արևմտյան կենտրոնական կոմիտեների նախագահներ Հայկ Օշականը և Տարոն Տեր-Խաչատուրյանը, Ամերիկայի Հայ դատի հանձնախմբի նախագահ Ռաֆֆի Համբարյանը և Կառավարության հետ կապերի բաժնի տնօրեն Քեյթ Նահապետյանը հանդիպել են ԵԱՀԿ Մինսկի խմբի ամերիկացի համանախագահ Ջեյմս Ուորլիքի հետ, հայտնում է Armenian Weekly-ին: Հանդիպումը պայմանավորված էր ապրիլի 2-ին Ադրբեջանի իրականացրած լայնածավալ ռազմական հարձակմամբ: ԱՄՆ հայ համայնքի առաջնորդները պահանջել են դատապարտել Բաքվի ագրեսիան, վայրագություններն ու նոր պատերազմի սպառնալիքները: Նրանք պահանջել են նաև «Լիհիի օրենքի» շրջանակում մարդու իրավունքների խախտման հետաքննություն կատարել` հաշվի առնելով ադրբեջանական կողմի ագրեսիան և մարդու իրավունքների խախտումները ԼՂՀ քաղաքացիների և զինծառայողների նկատմամբ: «Լիհիի օրնեքն» արգելում է ԱՄՆ-ին օգնություն ցուցաբերել այն անձանց և խմբերին, որոնք կոպտորեն և սիստեմատիկաբար խախտում են մարդու իրավունքները: Ամերիկահայերը կոչ են արել ԱՄՆ Պետդեպարտամենտին չլռել Ադրբեջանի ՊՆ ղեկավար Զաքիր Հասանովի Ստեփանակերտը ռմբակոծելու սպառնալիքի հարցում: Ամերիկահայ կառույցների ներկայացուցիչներն իրենց հիասթափությունն են հայտնել ԱՄՆ կառավարության Ռոյս-Էնգելի առաջարկների իրագործման հարցում Ադրբեջանի արգելքն հաղթահարելու անկարողության առթիվ: Ռոյս-Էնգելի առաջարկները նախատեսում են կանխել դիպուկահարների, ծանր ռազմական տեխնիկայի, ԵԱՀԿ դիտորդների և շփման գծի երկայնքով լոկատորների տեղակայումը: 90 րոպե տևած հանդիպման ժամանակ ԱՄՆ հայկական կառույցների ղեկավարները նշել են, որ ԱՄՆ հայ համայնքը Ադրբեջանի ապրիլյան ագրեսիայից հետո կրկնապատկել է ԼՂՀ-ին սատարելու և աջակցելու վճռականությունը: Նրան նաև նշել են, որ համայն հայությունը միասնական է ԼՂ անվտանգությանն, անկախությանն ու ինքնորոշման իրավունքին սատարելու հարցում: ԱՄՆ հայ համայնքի ներկայացուցիչները կողմ են արտահայտվել ղարաբաղյան հակամարտության խաղաղ կարգավորմանն ու բանակցություններին` ԼՂՀ պարտադիր մասնակցությամբ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |