  Փաստաբան. ՌԴ-ՀՀ գազատարի պայթեցման փորձի գործում «Իսլամական պետության» հետք է հայտնվել 24 օգոստոսի 2016 - 10:49 AMT PanARMENIAN.Net - Վրաստանում դեպի Հայաստան տանող ռուսական գազատարի պայթեցման փորձի համար մեղադրվող կասկածյալներից մեկի փաստաբան Մայա Չրելաշվիլին հայտնել է լրագրողներին, որ գործի նյութերում կա իր պաշտպանյալի լուսանկարը «Իսլամական պետության» խմբավորման դրոշի ֆոնին, հայտնում է ՌԻԱ Նովոստին: 5 մեղադրյալներից միայն մեկն է ընդունում իր մեղքը` Բեկա Բեկաուրին, որն այժմ հիվանդանոցում է: Ըստ Պետանվտանգության ծառայության, Բեկաուրին վիրավորվել է ձերբակալության ժամանակ, սակայն նրա մերձավորներն ու հարազատները չեն հավատում դրան: «Գործի նյութերում գրառում կա այն մասին, որ նրանք կարող են վահաբիզմի հետևորդներ լինել: Ինքը Բեկաուրին ժխտում է դա: Գործում կա Բեկաուրիի և այլոց լուսանկարը տարբեր դրոշների ֆոնին, որոնց թվում կա նաև «Իսլամական պետության» խմբավորման դրոշը: Լուսանկարը նա տեղադրել էր իր ֆեյսբուքյան էջում»,-հայտարարել է Չրելաշվիլին «Ռուսթավի-2» հեռուստաալիքի եթերում: Ըստ փաստաբանի, Բեկաուրին պնդում է, որ առգրվված զենքն իր սեփականությունն է: Օգոստոսի 22-ին Ռուսաստան-Հայաստան գազամուղը պայթեցնելու փորձ կազմակերպելու մեղադրանքով 7 անձ է ձերբակալվել: Այդ մասին հայտնել է Վրաստանի Պետանվտանգությունը: Ձերբակալվածների թվում է Փոթի քաղաքի պարեկային ոստիկանության աշխատակից Լեվան Մամպորիան: Վրաստանի անվտանգության ծառայությունները հայտնել էին, որ վերջինս հաճախ էր լինում Ուկրաինայում, ինչը ձախողված ահաբեկչության պատվիրատուների՝ Ուկրաինայում գտնվելու վերաբերյալ ենթադրությունների տեղիք էր տվել: Վրաստանի խորհրդարանի փոխխոսնակ Մանանա Կոբախիձեն չի բացառել նախկին նախագահ, Օդեսայի նահանգապետ Միխեիլ Սահակաշվիլիի հնարավոր առնչությունը Ռուսաստանից Հայաստան գազամուղի պայթեցման անհաջող փորձին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
