«Ռոսիա 24». Հայաստանում արտադրված մոցարելան նվաճում է ռուսական շուկան 7 հոկտեմբերի 2016 - 12:40 AMT PanARMENIAN.Net - Ռուսական շուկայում ընդլայնվում է Հայաստանում արտադրված պանրի տեսականին`փոխարինելով եվրոպական պանրատեսակները, որոնք դուրս մղվեցին ռուսական շուկայից էմբարգոյի հայտարարման պատճառով, ասվում է ռուսական «Ռոսիա 24» հեռուստաալիքի տեսանյութում: Տեսանյութը պատմում է Հայաստանում պանրագործության մասին, թե ինչով է հայկական մոցարելան տարբերվում իտալականից` նշելով, որ հայ պանրագործների վաղեմի գործընկերներն ու նոր հաճախորդները հատկապես գնահատում են այն, որ պանիրը պատրաստվում է ծովի մակերևույթից 1800 մ բարձրության վրա արածող կովերի կաթից: Ըստ ՀՀ գյուղնախարարության վիճակագրական տվյալների, Հայաստանում արտադրված կաթնամթերքն արտահանվում է հիմնականում Ռուսաստան: 2015-ին ՌԴ է առաքվել 9.000 տոննա պանիր, ընդ որում ինչպես հայկական պանրատեսակներ, այնպես էլ եվրոպական, իսկ ընթացիկ տարում այդ թիվը զգալիորեն մեծ կլինի: Մինչդեռ ՀՀ կառավարությունը ևս որոշել է խթանել պանրի արտադրության ընդլայնումը երկրում: «Այժմ ՀՀ-ում 2 ծրագիր է իրականացվում: Մեկով Հայաստան են ներկրվում բարձր արտադրողականությամբ աչքի ընկնող կովերի ցեղատեսակներ Եվրոպայից: Երկրորդով զարգացվում են կոոպերատիվ գյուղացիական տնտեսությունները: Երկուսի իրագործումն էլ թույլ կտա կտրուկ ավելացնել կաթի արտադրությունը, ինչն էլ հիմք կդառնա պանրագործության զարգացման համար»,-ասել է ՀՀ գյուղատնտեսության փոխնախարար Ռոբերտ Մակարյանը: Պանրի շրջանառության վրա ազդում են նաև ԵՏՄ-ում գործընկեր երկրների համար ստեղծված պայմանները: Զգալիորեն պարզեցվել է մաքսային հայտարարագրի ներկայացման ընթացակարգը, ներդրվել է փաստաթղթերի հանձնման էլեկտրոնային համակարգ: Հայ պանրագործներն իրենց հերթին վստահ են, որ արդեն այսօր կարող են բավարարել նույնիսկ ամենաբարձրաճաշակ սպառողի պահանջները, ասվում է նյութում: «Պանրագործությունը Հայաստանում բավականին լավ է զարգացած, ավելի լավ, քան նախկին ԽՍՀՄ մյուս հանրապետություններում: Սակայն մենք մտադիր չենք բավարարվել այդքանով, զարգացնելու ենք այդ ոլորտը: Հայաստանում պանրագործները շատ են, սակայն, ցավոք, միայն 4 ընկերություն է զբաղվում արտահանմամբ և պանիր է առաքում ՌԴ: Իսկ դա շատ քիչ է»,-ասել է Հայաստանի Պանրագործների միության նախագահ Արմեն Գիգոյանը: Ռեպորտաժում ասվում է, որ թեև դեռ դժվար է ասել արդյոք հայկական մոցարելան կկարողանա փոխարինել իտալականին, սակայն Հայաստանն արդեն իսկ արժանի մրցակցություն է ստեղծում Բելառուսին ու Սերբիային: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |