Նախարար. Մասնավոր հատվածը կներգրավվի առանց կանխավճարի բնակարան գնելու ծրագրում 2 նոյեմբերի 2016 - 16:19 AMT PanARMENIAN.Net - «Ժողովրդագրական իրավիճակի բարելավման 2016-2018թթ ազգային ծրագրի» շուրջ քննարկումները շարունակվում են: Այս մասին Ազգային ժողովում լրագրողներին ասել է ՀՀ աշխատանքի և սոցիալական հարցերի նախարար Արտեմ Ասատրյանը: Ծրագրով պետք է երիտասարդ ընտանիքներին առանց կանխավճարի հիպոթեքով բնակարան ձեռք բերելու հնարավորություն տրվի: Առաջիկայում, նախարարի խոսքով, նախատեսվում են քննարկումների մասնակից դարձնել նաև ոչ պետական հատվածը, քանի որ կառավարությունը նախատեսում է պետություն-մասնավոր գործընկերային հարաբերությունների շրջանակում միջոցներ ներգրավել այդ ծրագրերի իրականացման համար: Նախարարը նշել է, որ ծրագրերը, նախաձեռնությունները, իրավական ակտերի նախագծերը նախապես քննարկվում են և, երբ հաստատվում են, այդ պահից են դառնում ծրագիր, իրավական ակտ կամ իրավական նորմ՝ ենթակա պարտադիր կատարման, գրում է Panorama.am-ը: 2016-ի մայիսին Հայաստանի ժողովրդագրկան իրավիճակի բարելավման 2016-2018 թթ. ազգային ծրագիրը ներկայացվել է կառավարություն: Այս ծրագիրը բաղկացած է հինգ ենթաբաղադրիչից, որոնցից մեկը բնակարանային ապահովության ծրագիրն է: Մասնավորապես, շրջանառվում է առանց կանխավճարի կամ չնչին կանխավճարով ընտանիքներին բնակարաններ տրամադրելու հարցը: Նախագծի համաձայն՝ հնարավոր է ձեռք բերել բնարակարաններ առաջնային և երկրորդային շուկաներից մինչև 15 մլն դրամով և մինչև 30 տարի մարման ժամկետով՝ տարեկան մարելով առավելագույնը 12%, որի 2% կսուբսիդավորվի պետության կողմից: Կարդացեք նաև՝ Նախարար. Ընտանիքներին սոցիալապես անապահով ճանաչելու մեխանիզմները կվերանայվեն Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Միրզոյանը՝ Ալմաթիում․ Կարող ենք ավելի հեռուն գնալ՝ ապաշրջափակելով տարածաշրջանի բոլոր կոմունիկացիաները Նա նշել է, որ սահմանազատման գործընթացը պետք է անցնի Ալմաթիի հռչակագրի հիման վրա Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա Բագրատ սրբազան․ Վարչապետի թեկնածու լինելու հավակնություն չունեմ Նա նաև ասել է, որ երկքաղաքացի է և երբևէ դա չի թաքցրել Ալմաթիում մեկնարկել է ՀՀ և Ադրբեջանի ԱԳ նախարարների ղեկավարած պատվիրակությունների հանդիպումը Մինչ հանդիպումը Միրզոյանին և Բայրամովին առանձին ընդունել է Ղազախստանի փոխվարչապետ, ԱԳ նախարար Մուրատ Նուրտլաուն |