Վիգեն Սարգսյան. Մեծ զորամասերում Թումոյի տիպի տեխնոլոգիական կենտրոններ կբացվեն16 նոյեմբերի 2016 - 11:51 AMT PanARMENIAN.Net - Մեծ զորամասերում Թումոյի նման տեխնոլոգիական կենտրոններ կհիմնվեն: Այս մասին հայտարարել է պաշտպանության նախարար Վիգեն Սարգսյանը նոյեմբերի 15-ին լրատվամիջոցների խմբագիրների հետ հանդիպմանը: Հանդիպմանը նախարարը քննարկել է բանակի խնդիրները, իր առաջ քաշած «Ազգ-բանակ» հայեցակարգը, հայտնում է Civilnet.am-ը: Վիգեն Սարգսյանը նշել է, որ «Ազգ-բանակ» հայեցակարգի շրջանակում հատուկ ուշադրություն է դարձվելու բանակում ընդհանուր կրթական մակարդակի բարձրացմանը։ «Խոշոր զորամասերում ստեղծվելու են լրացուցիչ կրթության օջախներ։ Այդ ուղղությամբ արդեն երկխոսություն ենք սկսել ՏՏ մի քանի ընկերությունների հետ։ Խոշոր զորամասերում ցանկանում ենք Թումոյի տիպի կենտրոններ ունենալ»,- ասել է նախարարը։ Նա նշել է, որ իրենց նպատակն է, որպեսզի զինվորը, ծառայությունն ավարտելով, առողջ, հայրենասեր և ավելի շատ գիտելիքներ ստացած վերադառնա։ Վիգեն Սարգսյանը կարևորել է ռազմական կրթության զարգացումը և նշել է, որ այն մեկուսացված է ընդհանուր կրթությունից։ Ներկայում կա ռազմական երկու բարձրագույն ուսումնական հաստատություն՝ Վազգեն Սարգսյանի անվան ռազմական համալսարանը և Արմենակ Խանփերյանցի անվան ռազմական ավիացիոն համալսարանը։ Այս հաստատությունների շրջանավարտներն ապահովվում են աշխատանքով պաշտպանության համակարգում։ Բայցևայնպես, այս բուհերի դիմորդների թիվը նվազել է։ Նախարարն ասել է, որ բարեփոխվում են կրթական ծրագրերը, մեծացվում է ռազմական կրթության գրավչությունը։ Պաշտպանության նախարարը հիշեցրել է՝ ներկայում հնարավորություն կա, որ այլ բուհերում սովորողները կարող են շաբաթ օրերն այցելել ռազմական համալսարան և հետագայում հնարավորություն ունենան ծառայությունն անցնել որպես սպա: Վիգեն Սարգսյանը հայտնել է նաև, որ առաջիկա օրերին կանդամակցի ՀՀԿ-ին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |