 Սերժ Սարգսյանն առաջարկում է «թեժ գիծ» ստեղծել Երևանի ու Բաքվի միջև՝ զինված միջադեպերին արձագանքելու համար 16 նոյեմբերի 2016 - 18:51 AMT PanARMENIAN.Net - ՀՀ նախագահ Սերժ Սարգսյանը հայտարարել է, որ հանդես է գալիս ղարաբաղաադրբեջանական զորքերի շփման գծում իրավիճակի քննարկման համար Բաքվի և Երևանի միջև թեժ գիծ ստեղծելու օգտին: Այդ մասին է նա հայտարարել ՌԻԱ Նովոստի գործակալությանը տված հարցազրույցում: «Ենթադրենք, շփման գծում ինչ-որ մեկը կրակում է, ու, մեր տվյալներով` ադրբեջանցիներն են: Ես վերցնում եմ լսափողը, զանգահարում Ադրբեջանի նախագահին և ասում` կրակում են։ Եվ նա իրականում ստուգում է»,- ասել է Սերժ Սարգսյանը: «Ես պատրաստ եմ վերահսկում հաստատել ու հստակ ասել, կրակում է մեր կողմը թե ոչ, բնականաբար, Ադրբեջանի ղեկավարի կողմից նույն վերաբերմունքի ակնկալիքով», - ասել է ՀՀ նախագահը: Սարգսյանը նշել է նաև, որ 90-ականների սկզբին, երբ նա ՀՀ պաշտպանության նախարարն էր, ուղիղ կապ ուներ Ադրբեջանի պաշտպանության նախարարի հետ: «Մենք կարող էինք կապվել իրար հետ էքստրեմալ իրավիճակներում: Այժմ նման բան չկա», - ասել է նա: Իրավիճակը ղարաբաադրբեջանական շփման գծում ապրիլյան պատերազմին հետևած համեմատական հանդարտությունից հետո կրկին սրվել է: Մասնավորապես, նոյեմբերի 11-ին Ադրբեջանը շուրջ 3 ժամ ականակոծել է 60 և 82 միլիմետրանոց ականանետերից առաջնագծի հյուսիսարևելյան (Թալիշ և Յարըմջա) ուղղությամբ տեղակայված Պաշտպանության բանակի մարտական դիրքերը:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
