 Վերաքննիչ դատարանն անփոփոխ է թողել Պերմյակովի գործով դատավճիռը 19 դեկտեմբերի 2016 - 11:01 AMT PanARMENIAN.Net - Վերաքննիչ քրեական դատարանը դեկտեմբերի 19-ին անփոփոխ է թողել Գյումրու Ավետիսյան ընտանիքի 7 անդամի սպանության մեջ մեղադրվող Վալերի Պերմյակովի գործով դատավճիռը։ Վերաքննիչ դատարան 2 բողոք ներկայացրել էին տուժողի իրավահաջորդի ներկայացուցիչները։ Բողոքներից մեկով իրավահաջորդի ներկայացուցիչները նշել էին, որ ընտանիքի սպանությունը չի բացահայտվել և կասկածներ ունեին, որ Պերմյակովը մենակ չի գործել։ Իսկ մյուս բողոքով պահանջում էին բեկանել 1-ին ատյանի դատարանի այն որոշումը, որով մերժվել էր ՌԴ-ից ոչ նյութական վնասի փոխհատուցման պահանջը՝ մոտ 450 հազար եվրոյի չափով։ A1plus.am-ը գրում է, որ դեկտեմբերի 19-ի դատական նիստին Պերմյակովը չէր ներկայացել, քանի որ անձամբ դիմում է ներկայացրել ու նշել, որ չի ցանկանում մասնակցել դատական նիստերին։ Ավելի վաղ Գյումրիում Ավետիսյան ընտանիքի սպանության համար ցմահ ազատազրկման դատապարտված Վալերի Պերմյակովը գրություն է ուղարկել ՀՀ վերաքննիչ քրեական դատարան` խնդրելով վարույթ չընդունել իր պաշտպանի բողոքը: «Նա հաստատել է, որ հետ է կանչում բողոքը, համաձայն է դատարանի որոշման հետ։ Ասաց, որ դա արել է կամավոր, սակայն դեմ չէ, որ փաստաբանը մասնակցի տուժողի իրավահաջորդի ներկայացուցիչների վերաքննիչ բողոքի լսումներին։ Հայտնեց, որ չի ուզում մասնակցել դատական նիստին՝ անկախ դրա ընթանալու վայրից։ Պերմյակովը խոստովանել է մեղքը և ասել, որ հանցագործությունը կատարել է միայնակ»,- դատարանի նիստում ասել է նրա փաստաբան Էդուարդ Աղաջանյանը:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով  Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքըԿուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձություններըԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալԷրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |
