Քաղավիացիան բանակցում է մի շարք ավիաընկերությունների հետ. Արտոնություններ են առաջարկվում 3 փետրվարի 2017 - 14:27 AMT PanARMENIAN.Net - ՀՀ կառավարությանն առընթեր քաղաքացիական ավիացիայի գլխավոր վարչությունն այժմ ակտիվ բանակցություններ է վարում մի շարք ավիաընկերությունների հետ ոչ միայն Գյումրու «Շիրակ» օդանավակայանից թռիչքներ իրականացնելու համար, այլ նաև «Զվարթնոց» օդնավակայան ներգրավելու հարցով: «Կոմերցիոն բնույթից ելնելով չենք կարող նշել, թե կոնկրետ որ ընկերությունների հետ են բանակցություններն ընթանում: Բայց մեր բանակցային գործիքների թիվն ավելանում է», - PanARMENIAN.Net ին հայտնեցվարչության մամուլի քարտուղար Սաթենիկ Հովհաննիսյանը: Նրա խոսքով և՛ ՔԱԳՎ-ն, և՛ կառավարությունը, և՛ օդանավակայանի կոնցենսիոները համատեղ հետևողական ակտիվ աշխատանքներ են տանում՝ միտված «Շիրակ» օդանավակայանի գրավչության բարձրացմանը։ «Գործիքները բազմաթիվ են, առաջարկները մեծաթիվ. կա բյուջետային ավիաընկերությունները սպասարկող այլըտրանքային օդանավակայան, որտեղ գործում է ճկուն զեղչային համակարգ», - պարզաբանեց Հովհաննիսյանը։ Նա հիշեցրեց, որ դեռևս 2014-ին Գյումրու «Շիրակ» օդանավակայանից մեկնող ուղևորներն ազատվել են «օդի հարկից», վերջերս օդանավակայանում աերոնավիգացիոն սպասարկման սակագինն իջեցվեց 50 տոկոսով և օդանավակայանից օգտվող բոլոր ավիաընկերությունների համար սահմանվեց ավիաօդերևութաբանական անվճար սպասարկում: Հոկտեմբերի 20-ին ՀՀ վարչապետ Կարեն Կարապետյանը հայտարարել է, որ ՀՀ կառավարությունը նախատեսում է բյուջետային ավիափոխադրողներ ներգրավել Գյումրիի «Շիրակ» օդանավակայան: Հոկտեմբերի 21-ին հայտնի է դարձել, որ «Պոբեդա» ավիաընկերությունը Մոսկվայից Գյումրի չվերթներ իրականացնելու թույլտվություն է ստացել: Դեկտեմբերին ավիաընկերությունների համար Գյումրու «Շիրակ» օդանավակայանի գրավչության բարձրացման և զարգացման նպատակով որոշում է կայացվել օդանավակայանի աերոնավիգացիոն սպասարկումն այսուհետ իրականացնել 50 տոկոս իջեցված սակագնով: Նոյեմբերի 3-ին հայտարարվել է, որ Ռուսական «Պոբեդա» ավիաընկերությունը կհրաժարվի Դոնի Ռոստովից Երևան թռիչքների թույլտվությունից, քանի որ ուղևորների սպասարկման արժեքը «Զվարթնոց» օդանավակայանում բարձր է: Դեկտեմբերի 15-ին՝ 8-ամսյա դադարից հետո Շիրակ օդանավակայանը կրկին վերագործարկվեց: «Պոբեդա»-ն իր առաջին թռիչքը կատարեց: Շաբաթական երեք չվերթ է նախատեսված: Տոմսերի գները սկսվել են 999 ռուբլիից (մոտ 7500 դրամ): 500 ռուբլի (մոտ 3700 դրամ) հավելավճարի դեպքում ընկերությունն առաջարկում է նաև Երևանից Գյումրի ավտոբուսի ծառայություն: Հնարավոր է պատվիրել նաև «Պլյուս» և «Պրեմիում» փաթեթներ: Դրանց տոմսերը ներառված ծառայությունների արդյունքում ավելի թանկ են: «Շիրակ» օդանավակայանից դեպի Մոսկվա չվերթներն իրականացվում են «Բոինգ-737» և «Բոինգ-800» տիպի օդանավերով, որոնք նախատեսված են մոտ 180 ուղևորի համար: «Պոբեդա» ավիաընկերությունն «Աերոֆլոտ» խմբի ցածրաբյուջետային փոխադրող է: Ընկերության չվերթներն իրականացվում են Boeing-737-800 12 ինքնաթիռով 58 ուղղությամբ: Իրականացվում է 8 միջազգային չվերթ, այդ թվում Fly & Bus ծառայության միջոցով: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՀՀ և Հորդանանի ԱԳՆ-ները մտահոգություն են հայտնել Երուսաղեմի հայկական թաղամասում ստեղծված իրավիճակի վերաբերյալ Կոստանյանը ներկայացրել է «Խաղաղության խաչմերուկ» նախագիծը |