Լավրով. Ռուսաստանը կողջունի Ադրբեջանի հնարավոր ինտեգրումը ԵՏՄ-ին31 մարտի 2017 - 14:09 AMT PanARMENIAN.Net - Ռուսաստանը կողջունի Ադրբեջանի հնարավոր ինտեգրումը Եվրասիական միությանը (ԵՏՄ): Այդ մասին հայտարարել է ՌԴ ԱԳ նախարար Սերգեյ Լավրովն ԱՊԱ «Ազերի պրես» գործակալությանը տված հարցազրույցում: Նա ասել է, որ միությունն անդամ երկրներին զգալի առավելություններ է տալիս, քանի որ ԵՏՄ-ն ավելի քան 182 մլն բնակչություն ունեցող ընդհանուր շուկա է: Անդրադառնալով ղարաբաղյան հիմնախնդրին՝ Լավրովն ասել է, որ հակամարտության կարգավորման հարցը չափազանց նուրբ է, այդ պատճառով է, որ բանակցությունների մանրամասները չեն հրապարակվում, սակայն մի շարք ասպեկտներ արդեն համաձայնեցված են՝ մնացել է փոխհամաձայնության գալ մի քանի ամենաբարդ հարցերի շուրջ: Այդ մասին հայտարարել է ՌԴ ԱԳ նախարար Սերգեյ Լավրովը: «Պետք է նկատի ունենալ, որ ԼՂ կարգավորման թեման շատ նուրբ հարց է, ուստի բանակցությունների մանրամասները գաղտնի են պահվում: Միևնույն ժամանակ, կարող եմ ասել, որ շատ ասպեկտներ արդեն համաձայնեցված են: Մի քանի հարց է մնացել: Բայդ դրանք ամենաբարդ հարցերն են, որոնց շուրջ փոխհամաձայնության դեռ չի հաջողվել գալ: Այնուամենայինվ, աշխատանքը շարունակվում է»,-ասել է Լավրովը: Նա հիշեցրել է, որ թեման շատ ակտիվ քննարկվում է ՌԴ, ՀՀ և Ադրբեջանի ղեկավարության հանդիպումներում: Լավրովը նշել է, որ ՌԴ-ն շահագրգռված է, որ տարածաշրջանում խաղաղություն տիրի, բացվեն սահմանները, փախստականները վերադառնան, վերսկսվեն առևտրատնտեսական կապերը: «Այդ է պատճառը, որ ղարաբաղյան հակամարտության կարգավորումը ՌԴ արտաքին քաղաքականության առաջնահերթություններից է»,-ասել է նախարարը: Խոսելով 2016-ի ապրիլին քառօրյա պատերազմի մասին և այսպես կոչված «Լավրովի պլանի» մասին՝ ՌԴ ԱԳՆ ղեկավարը նշել է, որ այդպիսի պլան գոյություն չունի, իսկ քննարկումների հիմքում այն առաջարկներն են, որոնք համատեզ մշակել են ԵԱՀԿ ՄԽ երեք համանախագահ երկրները: «Ավելի հստակ, խոսքը ՌԴ, ԱՄՆև Ֆրանսիայի նախագահների համատեղ հայտարարություններում հնչեցված դրույթների մասին է: Դրանք լավ հայտնի են: Չմերժելով գաղափարն ընդհանուր առմամբ՝ կողմերը տարբեր կերպ են տեսնում բաղադրիչները կյանքի կոչելու հաջորդականությունը: Սխեման արմատապաես փոխելու, կամ նոր պալններ առաջարկելու մասին խոսք չկա: Գլխավորը օգնելն է կողմերին հավասարակշռված քաղաքական լուծում գտնել, որը թույլ կտա անցնել իրավաբանորեն պարտավորեցնող փաստաթղթերի մշակմանը»,-ասել է Լավրովը: Հունիսի 20-ին Սանկտ Պետերբուրգում տեղի է ունեցել ՀՀ, ՌԴ և ԱՀ նախագահներ Սերժ Սարգսյանի, Վլադիմիր Պուտինի ու Իլհամ Ալիևի եռակողմ հանդիպումը: Դրա արդյունքներով կողմերն ընդունել են հայտարարություն, որում, մասնավորապես, նշվում է. «ՀՀ և ԱՀ նախագահները հաստատեցին ղարաբաղյան հակամարտության գոտում իրավիճակի կայունացմանն ուղղված մայիսի 16-ին Վիենայում տեղի ունեցած վեհաժողովի պայմանավորվածությունների կատարումը: Այդ նպատակով, նրանք, մասնավորապես, պայմանավորվել են ավելացնել միջազգային դիտորդների քանակը հակամարտության գոտում: Նրանք գոհունակություն արտահայտեցին շփման գծում վերջին ժամանակաշրջանում հրադադարի ռեժիմի պահպանման կապակցությամբ»: Մայիսի 16-ին Վիեննայի գագաթաժողով պայմանավորվածություններ են ձեռք բերվել՝ հիմնախնդրի խաղաղ կարգավորման հանձնառությունը, 1994-1995թթ. զինադադարի վերաբերյալ համաձայնագրերի անշեղ իրականացումը, հակամարտության գոտում առավել արդյունավետ մոնիտորինգի իրականացման և հետաքննության մեխանիզմի ձևավորման նպատակով ձեռնարկվելիք քայլերը, որոնք անհրաժեշտ պայմաններ կստեղծեն բանակցային գործընթացը վերսկսելու համար: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |