ԵՄ. Ընտրություններն արդար էին, բայց՝ վստահություն չներշնչող 4 ապրիլի 2017 - 11:54 AMT PanARMENIAN.Net - Ընտրական գործընթացի ավարտից հետո ԵՄ-ն ակնկալում է գործակցել ժողովրդավարական ճանապարհով ընտրված նոր խորհրդարանի ու կառավարության հետ: Այս մասին ասվում է Հայաստանում անցկացված խորհրդարանական ընտրությունների արդյունքների վերաբերյալ ԵՄ մամուլի քարտուղար Մայա Կոսիյանչիչի տարածած հայտարարության մեջ։ Հայտարարությունում նշվում է, որ ընտրությունները եղել են լավ կազմակերպված և հիմնական ազատությունները ընդհանուր առմամբ պահպանվել են։ «Ընտրությունների միջազգային դիտորդական առաքելության նախնական եզրակացությունների համաձայն՝ ընտրությունները լավ էին կազմակերպված, և ընդհանուր առմամբ պահպանվել են հիմնարար ազատությունները: Այնուհանդերձ, ընտրությունների վրա հետք են թողել ընտրակաշառքների վերաբերյալ արժանահավատ տեղեկատվությունները և պետական ծառայողների և մասնավոր ընկերությունների աշխատակիցների նկատմամբ կիրառված ճնշումները, որ, ընդհանուր առմամբ, հանգեցրել են հասարակության ընդհանուր անվստահությանը ու ընտրությունների նկատմամբ վստահության բացակայությանը»,- ասված է հայտարարության մեջ, սակայն նշվում է, որ «ընտրությունների արդյունքներն այս ամենով հանդերձ արտացոլում են հայ ժողովրդի ընդհանուր կամքը»: «Չնայած աննախադեպ քանակության միջազգային ու ազգային դիտորդների համար բարենպաստ պայմաններ էին ստեղծվել դիտորդական առաքելությունն իրականացնելու համար, բայցևայնպես միջազգային ՀԿ-ներին չէին հրավիրել դիտորդության, ինչը հակասում է 1990թ. ընդունված ԵԱՀԿ Կոպենհագենյան փաստաթղթին։ Դիտորդների միջազգային առաքելությունը ողջունել է ինչպես նոր տեխնոլոգիաների ներդրումը, ինչին ԵՄ-ն աջակցել էր Հայաստանի իշխանությունների հետ համատեղ արդյունավետ իրականացված նախագծի շրջանակում, այնպես էլ իրավական շրջանակի բարեփոխումները։ Չնայած որոշ աննշան տեխնիկական խնդիրներին՝ քվեատուփերի լցոնման, կրկնակի քվեարկության, հաշվարկի և արդյունքների ամփոփման գործընթացում ավելի քիչ անճշտություններ են գրանցվել դիտորդների կողմից: ԵՄ-ն հանձնառու է աջակցել Հայաստանի կայուն, ժողվորդավարական ու բարգավաճ ապագային։ Ընտրական գործընթացի ավարտից հետո մենք ակնկալում ենք գործակցել ժողովրդավարական ճանապարհով ընտրված նոր խորհրդարանի ու կառավարության հետ՝ ամրապնդելու մեր քաղաքական երկխոսությունն ու շարունակելու տնտեսական և սոցիալական բարեփոխումների մեր աջակցությունը նաև Հայաստանի-ԵՄ համապարփակ և ընդլայնված գործընկերության մասին համաձայագրի հիման վրա, ինչպես նաև վերանայված Եվրոպական հարևանության քաղաքականության և Արևելյան գործընկերության ավելի լայն շրջանակներում»,- ասված է Մայա Կոսիյանչիչի տարածած հայտարարության մեջ: ՀՀ Կենտրոնական ընտրական հանձնաժողովն ապրիլի 3-ի կեսօրին հրավիրած նիստում ամփոփել է նախորդ օրը կայացած խորհրդարանական ընտրությունների արդյունքները՝ մշակված բոլոր՝ 2009 ընտրատեղամասերից ստացված արդյունքների հիման վրա: Հայաստանի Հանրապետական կուսակցությունը ստացել է 770.718 քվե կամ ընտրողների ձայների 49.15%-ը, «Ծառուկյան դաշինքը»՝ 428.892 քվե կամ 27.35%-ը: ԵԼՔ դաշինքը ստացել է 121.997 քվե կամ ընտրողների ձայների 7.78%-ը, ՀՅԴ-ն՝ 103.173 քվե կամ 6.57%-ը, «Հայ Յեղափոխական Դաշնակցություն» կուսակցությունը՝ 103.148 կամ 6.58%-ը: «Հայկական վերածնունդ» կուսակցությունը ստացել է 58.274 քվե կամ 3.72%, «Օհանյան-Րաֆֆի-Օսկանյան» դաշինքը՝ 32.487 քվե կամ 2.07%, «Կոնգրես-ՀԺԿ» դաշինքը՝ 25.973 քվե կամ 1.66%, «Ազատ դեմոկրատները»՝ 14.740 քվե կամ 0.94%, Հայաստանի կոմունիստական կուսակցությունը՝ 11.742 քվե կամ 0.75%: Ընտրություններին մասնակցել 1.577.323 ընտրող կամ ընտրողների 60.93%-ը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Կոնջորյան. Չի ստացվելու զավթել իշխանությունը, անկախ նրանից՝ ինչ տեսքով կգան՝ մի օր փողկապով, մի օր վեղարով Նա ասել է, որ իրենք ժողովրդի տված մանդատով ձևավորված մեծասմանություն են ՀՀ և Ղազախստանի ԱԳ նախարարները շեշտել են սահմանազատման գործընթացում Ալմաթիի հռչակագրի նշանակությունը Անդրադարձ է կատարվել տարածաշրջանային տնտեսական ու տրանսպորտային փոխկապակցվածության հարցերին Օսկանյան. Անցումային շրջանի համար վարչապետի ամենահարմար թեկնածուն Բագրատ սրբազանն է Նա նշել է, որ Փաշինյանի հրաժարականի պահանջն արդար և կարելի է իրականացնել սահմանադրական ճանապարհով Երևանի տարբեր հատվածներում անհնազանդության ակցիաներ են «Ինձ ասում են կոնկերտ ասեմ փողոց փակեք, ոչ թե ակցիաներ արեք, ասում եմ փողոց փակեք»,–ասել է սրբազանը |