Փոխնախարար. 2017-ին ՀՀ-ում կատարվել է $63.5 մլն ներդրում, ստեղվծել է 1800-ից ավելի աշխատատեղ19 ապրիլի 2017 - 17:32 AMT PanARMENIAN.Net - Տարեսկզբից մինչև ապրիլ ՀՀ-ում իրականացվել է 63.5 մլն դոլարի ներդրում և ստեղվծել 1807 նոր աշխատատեղ: Այդ մասին հայտարարել է ՀՀ տնտեսական զարգացման և ներդրումների նախարարի տեղակալ Հովհաննես Ազիզյանը: Ներկայացնելով վերջին 6 ամիսների ընթացքում նախարարության իրականացրած աշխատանքը՝ փոխնախարարը նշել է, որ ՀՀ ներդրումային ծրագրերի շրջանակում ընկերություններին տրամադրվում է տարբեր ձևաչափերի աջակցություն, մասնավորապես, նախարարության կողմից վերջերս ներկայացվել է այդպիսի 62 ծրագիր, որոնք, Ազիզյանի խոսքով, արդեն իսկ իրականացման փուլում են և ունեն համապատասխան ֆինանսավորում, հայտնում է Aysor.am-ը: «Դրանց իրականացման արդյունքում 2017-ին կկատարվի 471.6 մլն դոլարի ներդրում, կստեղծվի 6215 նոր աշխատատեղ», - նշել է նա: Փոխնախարարը հավելել է, որ այս պահին ներդրումային ծրագրերի ֆինանսավորման համար նոր աղբյուրներ են փնտրվում: Նրա խոսքով՝ վերջին ամիսներին աշխատանքներ են տարվել ՀՀ ներդրումային հնարավորությունները և բարենպաստ միջավայրն այլ երկրներում ավելի արդյունավետ ներկայացնելու ուղղությամբ. «Տեղի են ունեցել հայ-իրանական, հայ-էմիրաթայան, հայ-ֆրանսիական համաժողովներ»: Ազիզյանն ընդգծել է, որ նախարարությունը կարևորում է նաև ներդրումները մարզերում. «Վարչապետի՝ մարզեր կատարած այցերի ժամանակ առանձնացվել է 81 ծրագիր, որոնցից առաջին փուլով աջակցություն է ստանում 11-ը»: 2017-ի ապրիլին վարչապետը հանձնարարել է հանրապետական գործադիր մարմինների ղեկավարներին մեկամսյա ժամկետում Կառավարության աշխատակազմ ներկայացնել ոլորտային զարգացման 5 տարվա ծրագիր՝ մանրամասնելով առաջիկա տարվա հիմնական ուղղությունները, միջոցառումները և գերակա խնդիրները: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |