Համանախագահ. ՄԽ-ն հուսով է, որ կողմերը կշարունակեն քաղաքական երկխոսությունը19 հունիսի 2017 - 16:11 AMT PanARMENIAN.Net - ԵԱՀԿ Մինսկի խումբը հուսով է, որ ղարաբաղյան հակամարտության կողմերը կշարունակեն քաղաքական երկխոսությունը: Այդ մասին հայտարարել է ՄԽ ռուս համանախագահ Իգոր Պոպովը: «Եվ Բաքվում, և Երևանում քննարկումներ են եղել քաղաքական երկխոսության վերսկսման վերաբերյալ: Քննարկումների արդյունքում կարելի է գալ այն եզրակացության, որ երկու երկրի նախագահները կողմ են խաղաղ բանակցությունների շարունակմանը»,-ասել է Բաքվում ռուս համանախագահը, հայտնում է ադրբեջանական ԱՊԱ գործակալությունը: ԵԱՀԿ Մինսկի խմբի համանախագահներ Իգոր Պոպովը (ՌԴ), Ստեֆան Վիսկոնտին (Ֆրանսիա), Ռիչարդ Հոգլանդը (ԱՄՆ) գտնվում են Բաքվում, որտեղ հանդիպել են այդ երկրի նախագահ Իլահմ Ալիևի հետ: Մինչ ադյ նրանք այցելել են Հայաստան և Արցախի Հանրապետություն, որտեղ նրանց ընդունել է Արցախի նախագահ Բակո Սահակյանը: Երևանում նրանք հանդիպել են ՀՀ նախագահ Սերժ Սարգսյանի, արտաքին գործերի նախարար Էդվարդ Նալբանդյանի, պաշտպանության նախարար Վիգեն Սարգսյանի հետ: Բակո Սահակյանի հետ հանդիպումից հետո, լրագրողների հետ ճեպազրույցում ԵԱՀԿ Մինսկի խմբի ռուսաստանցի համանախագահ Իգոր Պոպովն ասել էր, որ համանախագահների հայտարարություններն ուղղված են սահմանին լարվածությունը կանխելուն: «Մեր հայտարարությունները եղել են հասցեական, ինչի նպատակն է պահպանել խնդրի խաղաղ կարգավորման գործընթացը»,- նշել էր Պոպովը: ԵԱՀԿ Միսնկի խմբի համանախագահներ Իգոր Պոպովը ՌԴ-ից, Ստեֆան Վիսկոնտին Ֆրանսիայից ու Ռիչարդ Հոգլանդն ԱՄՆ-ից մայիսի 18-ին հայտարարություն են տարածել վերջին օրերին ղարաբաղա-ադրբեջանական շփման գծում իրավիճակի սրման վերաբերյալ՝ առաջին անգամ հասցեական քննադատություն հնչեցնելով հրադադարի ռեժիմը խախտող ու սադրանքների դիմող Ադրբեջանի հասցեին. «Տարբեր վստահելի աղբյուրներից ստացված տեղեկատվության համաձայն, մայիսի 15-ին Ադրբեջանի ԶՈւ-ն շփման գծի ուղղությամբ հրթիռ է արձակել՝ հարվածելով ռազմական տեխնիկային»: Ընթերցեք նաև. ԵԱՀԿ ՄԽ համանախագահներն Արցախում են. Քննարկվել է հակամարտության կարգավորումը Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |