ՀՀ լեյտենանտը՝ իրանցի երեխայի համար ցողունային բջիջների դոնոր 4 հուլիսի 2017 - 17:25 AMT PanARMENIAN.Net - Լեյտենանտ Սերգեյ Օհանյանը դարձել է ցողունային բջիջների դոնոր իրանցի մի երեխայի համար: Ոսկրածուծի դոնորների հայկական ռեեստրը տեղեկացնում է, որ լեյկեմիայով տառապող իրանցի փոքրիկին ցողունային բջիջների փոխպատվաստում էր անհրաժեշտ: Սերգեյ Օհանյանն անցել է բջիջների հավաքմանը նախորդող ամբողջ նախապատրաստական փուլը և հուլիսի 3-ին Ոսկրածուծի դոնորների հայկական ռեեստրի ցողունային բջիջների հավաքման բաժնում նվիրաբերել է իր դոնորական ցողունային բջիջները։ Սերգեյ Օհանյանը դոնորագրվել է 2012 թվականին, երբ դեռ ուսանում էր ՀՀ ՊՆ Վ․ Սարգսյանի անվան ռազմական համալսարանում։Հայոց բանակի սպաներն ու զինվորները կազմում են Ռեեստրի դոնորների զգալի մասը։ Ոսկրածուծի դոնորների հայկական ռեեստրը հիմնադրվել է 1999-ին և գրանցվել է որպես շահույթ չհետապնդող բարեգործական կազմակերպություն: Հիմնադրամի առաքելությունն է օգնել սփյուռքահայերին հաղթահարելու արյան մի շարք մահացու հիվանդությունները, որոնք հաճախ բուժվում են ոսկրածուծի/ցողունային բջիջների փոխպատվաստմամբ: Հիմնադրամի նպատակն է հիվանդի համար գտնել ոսկրածուծի/ցողունային բջիջների համապատասխան դոնոր, կազմակերպել դոնորի հավաքագրում համայն հայության շրջանում: Մինչ օրս ռեեստրում կամավորագրվել է մոտ 29.000 դոնոր, ռեեստր դիմած 4485 հիվանդի հետ նախնական համընկնող 4369 պոտենցիալ դոնոր է հայտնաբերվել, որոնցից 27-ը նվիրաբերել են իրենց ցողունային բջիջները: Դոնոր դառնալու համար հարկավոր է լինել 18-50 տարեկան, հանձնել 3մլ արյուն և լրացնել հարցաթերթիկ: Դոնորագրվելն անվնաս և անցավ գործընթաց է, տևում է հաշված րոպեներ, սակայն հնարավորություն է տալիս հետագայում համատեղելիության հայտնաբերման դեպքում փրկել մեկ կյանք: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |