  ՌԴ-ն ԵԱՀԿ-ում հիշեցրել է շփման գծում միջադեպերի հետաքննության մեխանիզմների ներդրման մասին 11 դեկտեմբերի 2017 - 17:42 AMT PanARMENIAN.Net - Հարկավոր է լրացուցիչ միջոցներ ձեռնարկել՝ ուղղված ղարաբաղյան հակամարտության գոտու շփման գծում միջադեպերի հետաքննությանը: Այդ մասին հայտարարել է ԵԱՀԿ-ում ՌԴ մշատական ներկայացուցիչ Ալեքսանդր Լուկաշևիչը: Նա նշել է, որ ՀՀ և Ադրբեջանի նախագահներ Սերժ Սարգսյանի և Իլհամ Ալիևի ժնևյան հանդիպումը ԵԱՀԿ ՄԽ միջնորդական ջանքերի կարևոր արդյունք էր:«Հուսով ենք, որ համանախագահների առաջիկա շփումները լրացուցիչ խթան կհանդիսանան այդ համակարտության կարգավորման համար»,-ասել է Լուկաշևիչը, հայտնում է Sputnik-Արմենիան: Ըստ նրա, հատուկ նշանակություն ունի այն, որ գագաթնաժողովի արդյունքում կողմերը պայմանավորվել են խթանել բանակցային գործընթացը: Դա կնպաստի կողմերի միջև վստահության ամրապնդմանը և փոխզիջման առաջխաղացմանը կարգավորման ճանապարհին: Նշվել է, որ ԵԱՀԿ ՄԽ համանախագահների միջնորդական առաքելության արդյունավետության անհրաժեշտ պայմանը խաղաղության և կայունության պահպանումն է տարածաշրջանում: «Կողմերը պետք է լրացուցիչ միջոցներ ձեռնարկեն՝ ուղղված լարվածության նվազեցմանը շփման գծում: Հույս ունենք, որ մոտալուտ ապագայում կհամաձայնեցվի ԵԱՀԿ գործող նախագահի անձնական ներկայացուցչի գրասենյակի ընդլայնման ալգորիթմը մի սխեմայի հիման վրա, որը թույլ կտա որակապես բարելավել իրավիճակի դիտարկումը տարածաշրջանում»,-ասել է Լուկաշևիչը: Հոկտեմբերի 16-ին Ժնևում կայացել է Հայաստանի և Ադրբեջանի նախագահների հանդիպումը:ՀՀ նախագահ Սերժ Սարգսյանը Ժնևում Ադրբեջանի նախագահ Իլհամ Ալիևի հետ բանակցություններից հետո հանդիպում է ունեցել նաև շվեյցարահայ համայնքի ներկայացուցիչների հետ։ Իր խոսքում Սարգսյանը նաև ներկայացրել է Ադրբեջանի նախագահի հետ բանակցությունների արդյունքները: «Որևէ կոնկրետ պայմանավորվածություն, այսպես ասած, չունենք, խնդրի լուծման տարբերակների մասին: Բայց պայմանավորվել ենք, որպեսզի միջոցներ ձեռնարկենք լարվածությունն էլ ավելի թուլացնելու, որպեսզի առաջնագծում չունենանք զոհեր: Պետք է ասեմ` և՛ Ադրբեջանի նախագահը, և՛ ես դրանում խորապես շահագրգռված ենք», - նշել է նա:   Ուշագրավ Ալեյնիկն ասել է, որ հաջողվել է համաձայնեցնել գրեթե բոլոր փաստաթղթերը Հաջիևն այդպես է արձագանքել ԱՄՆ կողմից լրացուցիչ 4 մլն դոլար ԼՂ հայերի հատկացնելու որոշմանը Գագաթնաժողովն անցնելու է Մինսկում «Համապարփակ և թափանցիկ զեկույց ենք պատրաստում, թե ինչ է տեղի ունեցել այնտեղ, ոչ միայն այս օրերին, այլև դրանից ամիսներ առաջ»,- ասել է Օ՛Բրայանը   Ամենաընթերցվողը բաժնում |  Վերջին լուրեր Կաշառքի դիմաց վարորդականների իրացման գործով 7 մեղադրյալ կա  վարույթի նյութերը, մեղադրական եզրակացությամբ, ուղարկվել են դատարանՀՀ և Եգիպտոսի նախագահները հանդիպել են Կլիմայի փոփոխության համաժողովի շրջանակում Հանդիպմանը մասնակցել է նաև Հայաստանի շրջակա միջավայրի նախարար Հակոբ ՍիմիդյանըՀԱԿ փոխնախագահ. ՀՀ իշխանությունն անբարոյական դիրքորոշում է որդեգրել Ռուբեն Վարդանյանի նկատմամբ «ՀՀ իշխանությունը, ըստ էության, բախտի քմահաճույքին է հանձնել այդ մարդկանց»,–ասել է նաԿալանավորվել է Երևանի «Մուշական–Ջրաշեն» գերեզմանատան վարիչը Եվս 5 անձ ձերբակալվել է քրեական վարույթի շրջանակում |
