 BBC. ՀՀ-ն ու Ադրբեջանը սելեկտիվ աբորտների քանակով առաջատարների թվում են 9 ապրիլի 2018 - 14:58 AMT PanARMENIAN.Net - Հայաստանն ու Ադրբեջանը սելեկտիվ աբորտների քանակով առաջատարների թվում են: 100 աղջկան 104-106 տղա նորմալ համարվող հարաբերակցությանը հակառակ, ըստ ՄԱԿ 2017-ի տվյալների, Հայաստանում ծնվում է 110, Ադրբեջանում՝ 114 տղա: Այդ ցուցանիշն ավելի վատթար վիճակում է միայն Չինաստանում, գրում է BBC-ին: Ինչպես զեկույցի հեղինակները, այնպես էլ կանայք դրա հիմնական պատճառը համարում են գենդերային անհավասարությունն ավանդապաշտ հասարակությունում: Ըստ հետազոտության, որն անցկացրել է ՄԱԿ բնակչության հիմնադրամը, ծնողները նախապատվությունը տալիս են տղաներին, քանի որ տղամարդն է (ըստ 3 առավել հաճախ հանդիպող պատասխանների) տոհմի և ունեցվածքի ժառանգն ու պաշտպանը: Աղջկա ծնվելը ծնողներն ընկալում են որպես ավելորդ բեռ և հաճախ կրթություն չեն տալիս, որպեսզի նրանք աշխատանք գտնեն, անկախ դառնան և օգնեն իրենց ծերության ժամանակ, նշում է պարբերականը՝ Հայաստանից և Ադրբեջանից տարբեր կանանց պատմություններ որպես օրինակ ներկայացնելով, որոնք ստիպված դիմել են հղիության արհեստական ընդհատման՝ իմանալով, որ աղջիկ են ունենալու: Նշվում է, որ վերջին տարիներին երկու երկրների իշխանությունները փորձում են շտկել իրավիճակը: 2016-ին Հայաստանում փոփոխություններ կատարվեցին օրենսդրության մեջ, որոնց համաձայն հղիության արհեստական ընդհատում կարելի է անել միայն մինչև 12 շաբաթական ժամկետը՝ գրավոր դիմում ներկայացնելով: 12-22 շաբաթական հղիության դեպքում աբորտ կարելի է անել միայն ըստ սոցիալական կամ բժշկական ցուցումների: Ըստ մասնագետների, եթե չլինեին այդ փոփոխությունները, ապա մինչև 2050թ. ՀՀ-ում կարվեր մոտ 100 000 սելեկտիվ աբորտ: Ադրբեջանում չկա սելեկտիվ աբորտներն արգելող օրենք, թեև օրինագիծը քննարկվել է միլի մեջլիսում 20011-ից ի վեր մի քանի անգամ: Այն մեկ անգամ ևս կքննարկվի գարնանային նստաշրջանում: Ադրբեջանում ՄԱԿ հիմնադրամի գլխավոր խորհրդատու Ֆարիդ Բաբաևը զգուշացնում է, որ եթե իրավիճակը չշտկվի, գենդերային անհավասարությունը կարող է իսկական ժողովրդագրական աղետի պատճառ դառնալ: Ինչպես նշում են ՄԱԿ-ում, սելեկտիվ աբորտների քանակն աճում է արդեն երեխաներ ունեցող կանանց շրջանում: Այդ խնդիրը հարկավոր է լուծել բացատրական աշխատանքի միջոցով, կարծում են ՄԱԿ-ում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
