Լևոն Հայրապետյանի հարազատները պահանջում են գործ հարուցել նրա սպանության վերաբերյալ 5 սեպտեմբերի 2018 - 11:02 AMT PanARMENIAN.Net - 2017-ի աշնանը ՌԴ գաղութում մահացած հայտնի ռուսաստանաբնակ գործարար և բարերար Լևոն Հայրապետյանի հարազատները պահանջում են ՌԴ Քննչական կոմիտեից գործ հարուցել նրա սպանության մասին: Նրանք կարծում են, որ գործարարին թունավորել են՝ այդ մասին նա վախճանից մի քանի ժամ առաջ ինքն է հայտնել հարազատներին, գրում է Ռոսբալտը: Մորդովիայի դատարանը բազմիցս է մերժել առողջական վիճակով Լևոն Հայրապետյանին վաղաժամ ազատելու դիմումները: 2016-ին Հայրապետյանը դատապարտվեց խարդախության և դատապարտված նախկին սենատոր Իգոր Իզմեստևի մորից 700 դոլար շորթելու մեղադրանքով՝ չնայած նրա մեղքի ուղիղ ապացույցների բացակայությանը: Պարբերականը հավելում է, որ Հայրապետյանի հետ հաշվեհարդար տեսնելու պատճառներ, անկասկած, կային: Նա գույք ուներ աշխարհի շատ երկրներում, միայն հնաոճ իրերի նրա հավաքածուն գնահատվում էր $800 մլն: Սակայն, գործարարի ազատազրկման ընթացքում նրա ունեցվածքի մեծ մասը խորհրդավոր կերպով վաճառվել է: Գործարարը մտադիր էր պարզել այդ ամենը՝ նա մահացել է ենթադրյալ ազատումից տառացիորեն մեկ օր առաջ: Հայրապետյանի դստեր շահերը ներկայացնող փաստաբան Կարեն Ներսիսյանը Ռոսբալտին պատմել է, որ ենթադրյալ ազատումից մի քանի օր առաջ 2 անհայտ տղամարդ նրան դեղերով ծանրոցէ փոխանցել՝ Հայրապետյանն ընդունել է առաջին հայացքից սովորական դեղերը, որոնք նախկինում էլ էր ընդունում, սակայն, նրա վիճակն անսպասելիորեն կտրուկ վատթարացել է: Հայրապետյանը մի շարք հիվանդություններով էր տառապում, սակայն, նրա վիճակը կրիտիկական չէր: Ավելին 2017-ի հոկտեմբերին, սպասելով ենթադրյալ ազատմանը, նա լավ տրամադրություն ուներ և ծրագրեր էր մշակում, թե ինչ պիտի անի բանտից դուրս գալուց հետո: Ըստ փաստաբանի, հետո նրան զննել է բժիշկը, զննության ժամանակ բուժքույրը նրան ինչ-որ հեղուկ է տվել, որից հետո Հայրապետյանն ավելի է թուլացել, նրան դժվարությամբ են բանտախուց հասցրել: Այնտեղ նա կորցրել է գիտակցությունը: Ուշքի գալով՝ գործարարը հեռախոս է խնդրել մեկ այլ կալանավորից և զանգահարել է եղբորն ու ընկերոջը: Երկուսին էլ նույն բանն է ասել. «Ինձ թունավորել են: Մինչև առավոտ չեմ ապրի: Չթաղեք ինձ առանց հերձման»: Դրանից հետո Հայրապետյանը կրկին ուշագնաց է եղել, իսկ 2018-ի հոկտեմբերի 18-ի լուսադեմին մահացել է: Երբ նրա մահից հետո հարազատները սկսել են ուսումնասիրել նրա ժառանգությունը, հասկանալի են դարձել նրա թունավորման հնարավոր դրդապատճառները: Պարզվել է, որ գործարարը շատ հարուստ մարդ էր, նրա կարողությունը մոտ 1 մլրդ դոլարի էր հասնում: Նա անշարժ գույքի տասնյակ օբյեկտներ ուներ ամբողջ աշխարհում: Նա նաև կտավների մեծ հավաքածու ուներ, այդ թվում Եվա Բրաունի դիմանկարը, որն անձամբ Ադլոֆ Հիտլերն էր նկարել: Նա նաև հին ոսկերչական իրերի, ժամացույցների ու թանկարժեք քարերի մեծ հավաքածու ուներ:Նա նաև ՌԴ խոշոր ընկերությունների բաժնետոմսերի փաթեթներ ուներ: Գաղութում Հայրապետյանն իր ունեցվածքի կառավարման լիազորագրեր է տվել մի շարք անձանց, առանց վաճառքի իրավունքի: Սակայն, իրականում գործարարի ակտիվների մեծ մասն օտարվել է: Վաճառվել են նրա առանձնատները Նյու Յորքում և Մոնակոյում, ժամացույցների և թանկարժեք քարերի մեծ մասը, չկան նաև նկարներից շատերը, այդ թվում Եվա Բրաունի դիմանկարը: Իրացվել են նաև «Գազպրոմի» և մի շարք այլ ընկերությունների Հայրապետյանին պատկանող բաժնետոմսերը: Հետագայում պարզվեց նաև, որ Հայրապետյանը շատերին էր պարտքով խոշոր գումարներ տվել՝ մի քանի միլիոն դոլարի հասնող: «Հայրապետյանի մահվան հանգամանքները լուրջ կասկածների առիթ են տալիս: Պարտադիր չէ, որ դա թույն լիներ: Հայրապետյանը շաքարախտ ուներ, որի դեպքում բավական է սխալ դեղորայք ընդունել, որը կարող է մահվան հանգեցնել»,-կարծում է Կարեն Ներսիսյանը: Հայրապետյանի հարազատները դիմում են ներկայացրել ՌԴ Մորդովիայի ՔԿ՝ նրա հնարավոր թունավորման փաստով: Այնտեղ արդեն մի քանի անգամ մերժել են դիմումը, հետո դա արել է դատախազությունը: Դրա շնորհիվ, հերձման ժամանակ օրգանիզմից հանված օրգանները դեռ չեն ոչնչացվել: Այժմ հարազատները մտադիր են հասնել նրան, որ բոլոր նյութերը փոխանցվեն Մոսկվա, քանի որ միայն մանրակրկիտ հետազոտությունների արդյունքում հնարավոր կլինի հստակ որոշել մահվան պատճառը: Նրանք նաև ուզում են, որ գործարարի մահվան հանգամանքների քննությամբ զբաղվի ՌԴ ՔԿ կենտրոնական աշխատակազմը: Հաշվի առնելով Լևոն Հայրապետյանի առողջական վիճակը՝ ԼՂՀ ԱԺ պատգամավորական խմբակցությունները ՌԴ իրավապահ մարմիններին հորդորել էին «մարդասիրական վերաբերմունքից ելնելով գործող օրենսդրության շրջանակներում վերանայել կալանքի պայմանները, օբյեկտիվ վերաքննությամբ էապես մեղմել սահմանված պատիժը և ազատ արձակել նրան»:Հայրապետյանը համարվում է ամենախոշոր ներդրողներից մեկը Լեռնային Ղարաբաղում։ Նա մի շարք խոշոր բարեգործական նախագծեր է իրականացրել, որոնք ուղղված էին Արցախի սոցիալական և տնտեսական զարգացմանը: 2014-ի հուլիսի 24-ին գործարար Լևոն Հայրապետյանին հափշտակումների և «Բաշնեֆտի» բաժնետոմսերի ապօրինի օրինականացման գործով ՌԴ Քննչական կոմիտեն մեղադրանք ներկայացրեց ՌԴ ՔՕ 160 (յուրացում և վատնում) ու 174 (փողերի լվացում) հոդվածների հատկանիշներով: Ըստ իրավապահ մարմիններին մոտ աղբյուրի, յուրացումն այս գործում միջնորդական պարգևավճարն է, որը Հայրապետյանը ստացել է «ԱՖԿ Սիստեմա»-ին բաշկիրյան նավթային բաժնեմասերի վաճառքի գործարքից: Որպես հիմնական կասկածյալ անցնում էր Բաշկիրիայի նախկին նախագահի որդին՝ Ուրալ Ռահիմովը և ԱՖԿ «Սիստեմա» սեփականատեր Եվտուշենկովը, Հայրապետյանն այդ գործում համարվում է նրանց գլխավոր միջնորդը: Ռախիմովն ու Եվտուշենկովը ազատ արձակվեցին, Հայրապետյանը, սակայն, մնաց կալանքի տակ: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |