ԱԳ նախարարը՝ կիպրահայերին. Սփյուռքը ինստիտուցիոնալ հիմքեր պարունակող մարմին է 4 հունիսի 2019 - 10:25 AMT PanARMENIAN.Net - Հայերի դեպքում Սփյուռքըինստիտուցիոնալ հիմքեր պարունակող մարմին է: Այդ մասին հայտարարել է ՀՀ ԱԳ նախարար Զոհրաբ Մնացականյանը Կիպրոսի Հայոց առաջնորդարանում, որտեղ հանդիպել է Կիպրոսի թեմի կաթողիկոսական ընդհանուր փոխանորդ Գերաշնորհ տեր Խորեն արքեպիսկոպոս Տողրամաճեանի, կիպրահայ պատգամավոր Վարդգես Մահտեսյանի և կիպրահայ կառույցների ղեկավարների ու ներկայացուցիչների հետ: Ողջունելով նախարար Մնացականյանին՝ Տ. Խորէն արք. Տողրամաճեանը կարևորել է նման ձևաչափով հանդիպումների անցկացումը, ինչը լավ հնարավորություն է բաց զրույց ծավալելու ինչպես Հայաստանին առնչվող զարգացումների, այնպես էլ՝ Սփյուռքին հուզող հարցերի շուրջ։ Նախարար Մնացականյանը բարձր է գնահատել կիպրահայ համայնքում գործող կրթական և հոգևոր կառույցների ունեցած անգնահատելի դերը ազգային ինքնության պահպանման և հայ-կիպրական դարավոր բարեկամության ամրապնդման գործում և հույս հայտնել, որ համայնքի ներուժի լիարժեք օգտագործումը հնարավորություն կընձեռի առավել խորացնելու և հարստացնելու Հայաստանի և Կիպրոսի միջև քաղաքական օրակարգը, հայտնում է ԱԳՆ մամուլի ծառայությունը։ «Կիպրոսի հետ հարաբերությունների հիմքում շատ ավելի խորքային իմաստ կա. սա քաղաքակրթություններ ներկայացնող ժողովուրդների բարեկամություն է, որոնք շատ լավ հիշողություն, պատմության շատ խորը զգացում ունեն, և այդ քաղաքակրթական հիմքերի վրա է կառուցված բարեկամությունը», - նշել է ԱԳ նախարարը: ԱԳ նախարարն այս հարաբերություններում առանձնահատուկ ընդգծել է Կիպրոսի հայ համայնքի դերակատարությունը: «Մեր դեպքում Սփյուռքը ոչ թե մարդկանց խումբ է, որոնք տարին մեկ անգամ հավաքվում են սուրճ խմելու, այլ սա ինստիտուցիոնալ հիմքեր պարունակող մարմին է: Հարցն այն չէ, թե որքան է կազմում Կիպրոսի հայ համայնքի թվաքանակը, հարցն այն է, որ դուք ներկայացված եք ինստիտուցիոնալ կառուցվածքային խորը հիմքերով, որոնք ուղղված են պահպանելու այն, ինչ մեզ համար շատ կարևոր է՝ մեր ազգային ինքնությունը»: Ներկայացնելով իր այցի նպատակները և հունիսի 4-ին կայանալիք եռակողմ ձևաչափով առաջին հանդիպման օրակարգը և այդ ձևաչափով համագործակցության հեռանկարները՝ նախարար Մնացականյանն ընդգծել է. «Իմ այցի նպատակն է հիմք դնելու նոր՝ Հայաստան-Կիպրոս-Հունաստան եռակողմ ձևաչափով համագործակցությանը, որը բավական խոստումնալից է և բավական ներուժ ունի։ Մենք շատ խոստումնալից օրակարգ ունենք նորարությունների, բարձր տեխնոլոգիաների, ստեղծագործ կրթության բնագավառներում, որտեղ առաջարկում ենք ընդլայնել համագործակցության շրջանակները: Եվ հուսով եմ, որ այս պահից սկսած կարող ենք ընդլայնել ոլորտային համագործակցությունը»: Զոհրաբ Մնացականյանն անդրադարձել է Հայաստանում տեղի ունեցած վերջին ներքաղաքական զարգացումներին և ժողովրդի լայն մանդատի հիման վրա կառավարության կողմից իրականացվող բարեփոխումների գործընթացին, Հայաստանի արտաքին քաղաքական առաջնահերթություններին: «Ապրիլ-մայիս ամիսների Թավշյա հեղափոխությունից ի վեր չափազանց էական զարգացումներ են տեղի ունենում Հայաստանի կյանքում: Մենք անդրադարձանք մեր կուտակված ներքին խնդիրներին, մենք ի ցույց դրեցինք պետության, պետական-հասարակական ինստիտուտների կարողությունը, ուժը: Հասարակության ընդվզումը, որը բերեց թավշյա խաղաղ, ոչ բռնի հեղափոխության, չքայքայեց պետության հիմքերը, այլ միայն նպաստեց դրանց ամրապնդմանը: Մենք 27 տարի շարունակ կառուցել ենք երկիր, որը ես կկոչեմ եվրոպական մոդելի երկիր: 1991թ. ի վեր մենք ընտրեցինք պետության կառուցման այդ ուղղությունը, որի հիմքում դրված են ժողովրդավարությունը, մարդու իրավունքները, ազատությունը», - նշել է ԱԳ նախարարը: Հանդիպման ավարտին նախարար Մնացականյանը պատասխանել է Կիպրոսի հայ համայնքի ներկայացուցիչների բազմաթիվ հարցերին, տեղի է ունեցել մտքերի հանգամանալից փոխանակում:Այնուհետև ԱԳ նախարարը շրջայց է կատարել Սուրբ Աստվածածին Հայ առաքելական եկեղեցում: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» Առաջիկա օրերին սպասվում է անձրև և ամպրոպ․ Ջերմաստիճանը կնվազի Մայիսի 4–ի ցերեկը մայրաքաղաքում կգրանցվի +19 աստիճան Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ |