Ստեփանակերտում ևս 3D հետիոտնային գծանշում է արվել
Երևանի փորձից ոգեշնչված, Ստեփանակերտի գործընկերները կենտրոնական Վազգեն Սարգսյանի փողոցում կիրառել են 3D հետիոտնային գծանշման փորձը։ Այդ մասին իր ֆեյսբուքայն էջում հայտնել է Երևանի քաղաքապետարանի մամուլի խոսնակ Հակոբ Կարապետյանը՝ հավելելով, որ ստեփանակերտցիների մոտ դա ավելի լավ է ստացվել:
«Ու առաջին անցումը ստեփանակերտցիների մոտ ավելի լավ է ստացվել, քան երևանցիների (էդպես պատահում է)։ Ասում են, 3D անցումներով հետաքրքրված են նաև Աբովյանում, մեր մասնագետներից խորհրդատվություն են հարցրել Թբիլիսիի գործընկերները։ Դե իսկ Երևանում դրանք առաջիկայում կավելանան»,-ասվում է գրառման մեջ։
