  Լիդիանը կսկսի վերակազմավորվել CCAA-ի շրջանակում 24 դեկտեմբերի 2019 - 17:29 AMT PanARMENIAN.Net - Ոսկու արդյունահանությամբ զբաղվող «Լիդիան Արմենիա» ընկերությունը դեկտեմբերի 23-ին հայտարարել է, որ դուստր ընկերությունների հետ միասին (Lydian Canada Ventures Corporation-ը և Lydian UK Corporation Limited-ը) ստացել է պաշտպանություն՝ համաձայն՝ «Ընկերությունների կրեդիտորներին պարտքերի մարման մասին» ակտի (CCAA): Նաև թույտվություններ են ստացվել հօգուտ «Լիդիան Արմենիա» ՓԲԸ-ին, Lydian International Holdings Limited, Lydian Resources Armenia Limited և Lydian U.S. Corporation. «Ընկերությունների կրեդիտորներին պարտքերի մարման մասին» Կանադայի խորհրդարանի օրենսդրական ակտը թույլ է տալիս անվճարունակ կորպորացիաներին, որոնք արդեն $5 մլն-ից ավելի պարտք են իրենց պարտատերերին, վերակառուցել իրենց գործնական և ֆինանսական գործունեությունը: Դատարանը CCAA պաշտպանություն է ապահովել տասնօրյա ժամկետով, որը լրանում է 2020 թվականի հունվարի 2-ին: CCAA-ի պաշտպանության տակ գտնվելով՝ ընկերություններին պարտատերը կամ մեկ այլ անձ չի կարող որևէ իրավունք ներկայացնել՝ Lydian Canada, Lydian UK և դուստր ընկերությունների, այդ թվում «Լիդիան Արմենիա» ընկերության դեմ: 2018-ի հունիսից Հայաստանում ակտիվիստները բողոքում են Ամուլսարի հանքի շահագործման դեմ: Չնայած բազմաթիվ հրապարակումներին և հայտարարություններին, որ ընկերության կողմից Ամուլսարի շահագործումը դադարեցնելու որևէ իրավական հիմք չկա՝ ՀՀ կառավարությունը չկարողացավ դադարեցնել բողոքի ալիքները և դադարեցնել հանքի շրջափակումը: Արդյունքում «Լիդիան Արմենիայի» պարտատերեը ևս երկար սպասել չէին կարող. նրանց հետ պայմանագրերի ժամկետները լրացել են 2019 թվականի դեկտեմբերի 20-ին: CCAA-ի պաշտպանության տակ գտնվելով՝ ընկերությունը մտադիր է շարունակել բանակցությունները պարտատերերի և այլ կողմերի հետ՝ այդ թվում նաև ՀՀ կառավարության: Ընկերությունը նպատակ ունի առավելագույն արդյունք ստանալ խնդրով հետարքրքված բոլոր կողմերի համար՝ այդ թվում նաև աշխատակիցներ, գործընկերներ, որոնք տուժել են Ամուլսարի հանքի շրջափակումից: Ընկերությունը մտադիր է նաև հասնել «անօրինական գործողությունների» դադարեցմանը, որոնք, ըստ «Լիդիան Արմենիա» ընկերությանը, խոչընդոտել են Ամուլսարի նախագծին մուտք ունենալու հնարավորությունը: Դիտարկվում են Ամուլսարի նախագծի ֆինանսավորման և/կամ վաճառքի տարբերակները: Ըստ հայաստանյան մի շարք առաջատար բնապահպանական կազմակերպությունների, հանքի շահագործումը կհանգեցնի բնապահպանականչարդարացված ռիսկերի: Բնապահպանները նշում են, որ Ամուլսարի տարածքում իրականացվող շինաշխատանքները մի քանի անգամ վնասել են հարակից բնակավայրերին՝ աղտոտելով խմելու ջրի խողովակները, կենսամիջավայրը: 2019-ի օգոստոսին ՀՀ վարչապետ Նիկոլ Փաշինյանն հայտարարել էր, որ Ամուլսարի հանքի շահագործման փոքր վտանգի դեպքում անգամ հանքը կփակվի, քանի որ դա ազգային անվտանգության հարց է: Սեպտեմբերին Փաշինյանը հայտնել էր, որ Ամուլսարի ոսկու հանքի շահագործման արգելքի համար իրավական հիմքեր տվյալ պահին չկան։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
