ՀՌՀ. Հանրայինը խախտել է Հրայր Թովմասյանի անմեղության կանխավարկածը 3 փետրվարի 2020 - 19:15 AMT PanARMENIAN.Net - Հանրային հեռուստաընկերության «Լուրերով» հեռարձակված «ՀՔԾ-ն մանրամասներ է ներկայացրել Հրայր Թովմասյանի մեղադրանքից» վերտառությամբ տեսանյութում խախտվում է Սահմանադրական դատարանի նախագահ Հրայր Թովմասյանի անմեղության կանխավարկածը, հայտարարել է Հեռուստատեսության և ռադիոյի հանձնաժողովը: «Լուրերի» ռեպորտաժում ներկայացվէլ էին Թովմասյանին առաջադրված 2 մեղադրանքի մանրամասները: ՍԴ նախագահի փաստաբանական թիմն այն անվանել էր քրգործում եղած «ապացույցների» ակնհայտ կանխակալ ներկայացման և անմեղության կանխավարկածի «ցինիկ խախտման ցայտուն օրինակ»։ Ըստ հանձնաժողովի՝ առաջին հերթին, այդ սկզբունքը խախտել է Հատուկ քննչական ծառայությունը: «Անմեղության կանխավարկածի սկզբունքի խախտումը չի կարգավորվում «Հեռուստատեսության և ռադիոյի մասին» օրենքով և չի նախատեսում տուգանքի կամ այլ պատժի կիրառում»,- ասվում է ՀՌՀ հայտարարության մեջ: Ըստ ՀՌՀ-ի՝ օրենսդրական նմանատիպ բացերը նվազեցնում են Հանձնաժողովի կարգավորման հնարավորությունները և սահմանափակում ՀՀ քաղաքացիների իրավունքը` ստանալու օբյեկտիվ, անկողմնակալ, ատելության խոսքից և մանիպուլյացիաներից զուրկ տեղեկատվություն: «Հանձնաժողովը տարակուսանք է հայտնել, որ Հանրային հեռուստառադիոընկերության խորհուրդը հրաժարվել է իր պարզաբանումները ներկայացնել հանրությանը վերը նշված տեսանյութի կապակցությամբ՝ նշելով, որ հանրային հնչեղություն ունեցող դեպքերի վերաբերյալ խորհուրդը պարտավոր է արձագանքել: 2019-ի դեկտեմբերի 27-ին ՀՔԾ-ն Թովմասյանին մեղադրանք էր առաջադրել Քրեական օրենսգրքի 308-րդ հոդվածի երկրորդ մասի հատկանիշներով՝ «պաշտոնեական լիազորությունները չարաշահելը, որն անզգուշությամբ առաջացրել է ծանր հետևանքներ»։ Նրա նկատմամաբ որպես խափանման միջոց էր ընտրվել չհեռանալու մասին ստորագրությունը: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |