ԵՄ զեկույց․ Մեծ Բրիտանիան և ԱՄՆ-ն ճնշում են ՀՀ-ին Ամուլսարի հարցում 6 մայիսի 2020 - 12:50 AMT PanARMENIAN.Net - Միացյալ Թագավորությունն ու ԱՄՆ-ն ճնշել են ՀՀ կառավարությանը ոսկու հանքարդյունաբերության վիճահարույց ծրագրի հարցում, նշվում է Եվրամիության զեկույցներից մեկում, փոխանցում է Opendemocracy.net-ը: Մասնավորապես, զեկույցում նշվում է, որ վարչապետ Նիկոլ Փաշինյանը «Ամուլսարի ոսկու նախագծի հետագա զարգացումների հետ կապված հսկայական ճնշումների է ենթարկվել», այդ թվում՝ Մեծ Բրիտանիայի և Միացյալ Նահանգների կողմից: Նշվում է, որ Ամուլսարի ոսկու հանքարդյունահանման հարցը հայաստանյան քաղաքական առաջնագծում է հայտնվել 2018-ին, երբ թավշյա հեղափոխության արդյունքում տեղի բնակիչները և բնապահպան ակտիվիստները սկսեցին $400 մլն արժողությամբ անավարտ հանքարդյունաբերական նախագծի տարածքի շրջափակումը, ինչը բրիտանա-ամերիկյան «Լիդիան Ինթերնեշնլ» հանքարդյունաբերական ընկերության, ընկերության միջազգային աջակիցների և ՀՀ կառավարության միջև խնդիրների պատճառ դարձավ։ Մոտ 2 տարվա շրջափակման արդյունքում «Լիդիանին» չի հաջողվել մուտք գործել Ամուլսարի տարածք և ավարտին հասցնել հանքարդյունաբերական նախագիծը։ Ընկերությունը հանքի արգելափակումն ապօրինի է որակել և Հայաստանի կառավարությանը մեղադրել «անգործության» մեջ։ 2019-ի մարտին ընկերությունը Հայաստանին տեղեկացրել է բրիտանական և կանադական երկկողմ ներդրումային պայմանագրերի համաձայն միջազգային արբիտրաժ դիմելու հնարավորության մասին: «ԱՄՆ-ի և Մեծ Բրիտանիայի կառավարությունները հուսով են, որ «Լիդիանը» խտրականության չի ենթարկվի և նմանատիպ մոտեցում կկիրառվի Հայաստանում գործող այլ հանքարդյունաբերական ընկերությունների նկատմամբ ևս», – ասվում է ԵՄ ներքին զեկույցում։ Ամուլսարի հանքի շուրջ տարիներ տևող բանավեճերում բնապահպանները համոզված են, որ դրա շահագործումը կարող է էկոլոգիական աղետ լինել ՀՀ-ի և մասնավորապես հանքի տարածքում գտնվող բնակավայրերի համար։ Հանքի շահագործման դեմ բողոքի ակցիաները պարբերաբար ակտիվանում են։ Այդպես եղավ 2018-ի հուլիսին, 2019-ի սեպտեմբերին, երբ ակիվիստները շրջափակել էին Ամուլսար տանող ճանապարհը։ Ներկայումս հանքը շարունակում է մնալ չշահագործված։ Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Կայացել է «Բադալյան եղբայրներ» ընկերությունների խմբի մեջ մտնող ֆինանսական կազմակերպությունների տարեկան ժողովը Հայաստանում «Ֆասթ Բանկ» ՓԲԸ վարկային պորտֆելն ավելացել է60 տոկոսով Վարչապետը գերմանական Fichtner–ի պատվիրակության հետ քննարկել է վերականգնվող էներգետիկայի զարգացումը ՀՀ–ում Այցը Երևան տեղի է ունենում Մյունխենում կայացած հանդիպման արդյունքներով Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում |