ՊԲ․ Հատկապես հարավում դեռ համառ մարտեր են, վիրավորների 30%-ը շարք է վերադառնում 8 հոկտեմբերի 2020 - 21:44 AMT PanARMENIAN.Net - Արցախում հոկտեմբերի 8-ի դրությամբ համառ մարտերը շարունակվում են հատկապես հարավային ուղղությամբ, հայտարարել է պաշտպանության նախարարության ներկայացուցիչ Արծրուն Հովհաննիսյանը։ Նա հայտնել է, որ տասնյակ հազարավոր կամավորներ են ՀՀ-ից զինվորագրվում, իսկ վիրավոր զինծառայողների մոտ 30%-ը բուժօգնություն ստանալուց հետո շարք է վերադառնում։ ՊՆ ներկայացուցիչը նաև հայտնել է, որ հայ գերիների մասին հստակ տեղեկություն չկա, բայց ինտենսիվ մարտական գործողությունների ժամանակ նման բան բացառված չէ։ Անդրադառնալով ադրբեջանական կողմի սպառազինությանն ու այդ երկիր մատակարարվող զենքերին, Հովհաննիսյանը հայտնել է, որ նրանք կռվում են մեծամասամբ իրենց բանակի զենքերով, սակայն դրանց գումարվում են նաև թուրքականներն ու իսրայելականները։ «Ոչ մի բանակի սպառազինություն, այսպիսի ինտենսիվ մարտական գործողությունների մեջ կիրառելիս, անսպառ չէ։ Որքան էլ մատակարարում իրականացնես, կորուստները նույն տեմպերով վերականգնել չեն կարող։ Իրականում առաջին 5 օրվա ընթացքում իրենց կորուստները շատ մեծ էին, հիմա անկում է ապրում, քանի որ այդ տեխնիկան էլ չկա, որ կիրառեն»,- ասել է նա։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը  Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարելFastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստումGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |
