ՌԴ ԱԳՆ․ ՀՀ և Ադրբեջանի ԱԳ նախարարները հաստատել են ԼՂ-ում հրադադարին հավատարմությունը10 հոկտեմբերի 2020 - 22:49 AMT PanARMENIAN.Net - Հոկտեմբերի 10-ին Ռուսաստանի արտգործնախարարի հետ զրույցում ՀՀ և Ադրբեջանի արտգործնախարարները հաստատել են երկրների հավատարմությունն ավելի վաղ Մոսկվայում ձեռք բերված հումանիտար կրակի դադարեցման շուրջ համաձայնություններին։ ՌԴ ԱԳՆ-ն հայտնում է, որ Սերգեյ Լավրովի հետ զրույցում թե Զոհրաբ Մնացականյանը, թե Ջեյհուն Բայրամովն ընդգծել են համաձայնությունների թղթի վրա չմնալու անհրաժեշտությունը։ Իր հերթին, ՀՀ ԱԳՆ-ն հայտարարել է, որ Ադրբեջանը՝ դրժելով իր իսկ ստանձնած հանձնառությանը, շարունակել է մարտական գործողություններ ռազմաճակատի տարբեր հատվածներում, հարվածել ՀՀ Սյունիքի մարզին: «Միաժամանակ իրեն արդարացնելու նպատակով շինծու մեղադրանքներ է հնչեցնում ՀՀ կողմից ադրբեջանական բնակավայրերը կրակի տակ պահելու վերաբերյալ... Ադրբեջանական բանակի սադրիչ գործողություններն ուղեկցվում են քաղաքական հայտարարություններով, որը չի կարող մեկնաբանվել այլ կերպ, քան որ Ադրբեջանը տապալում է կրակի դադարեցման համաձայնությունը: Իր այս գործելաոճը քողարկելու կամ գուցե արդարացնելու նպատակով ադրբեջանական կողմը ձեռնամուխ է եղել ապատեղեկատվության տարածման՝ շինծու մեղադրանքներ հնչեցնելով առ այն, որ Հայաստանի Հանրապետության զինված ուժերը կրակի տակ են պահում բնակավայրեր և ճակատային գիծը։»,- նշել են գերատեսչությունում՝ նախազգուշացնելով, որ ստեղծված իրավիճակի հետևանքների պատասխանատվությունը կրում է Թուրքիայի հովանավորությամբ գործող Ադրբեջանի ղեկավարությունը։ ՀՀ-ն և Ադրբեջանը Մոսկվայում արտաքին գործերի նախարարների մասնակցությամբ հանդիպմանը պայմանավորվել էին հոկտեմբերի 10-ին ժամը 12։00-ից ԼՂ հակամարտության գոտում հումանիտար նպատակներով կրակի դադարեցման մասին՝ դիակների և գերիների փոխանակման նպատակով։ Հոկտեմբերի 10-ին ժամը 12։00-ին Արցախի պաշտպանության բանակի ստորաբաժանումներին կրակի դադարի հրաման էր տրվել, սակայն, ադրբեջանական ստորաբաժանումները 12:05-ին գրոհ են ձեռնարկել «Կարախանբեյլի» կոչվող տեղամասի ուղղությամբ և դիվերսոն մարտեր Հադրութի ուղղությամբ։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |