  ԱՀ ՄԻՊ․ Հադրութում դիվերսանտներն առնվազն 4 քաղաքացիականի են սպանել 11 հոկտեմբերի 2020 - 21:06 AMT PanARMENIAN.Net - Արցախում հոկտեմբերի 10-ի հումանիտար հրադադարի պայմանավորվածության ուժի մեջ մտնելուց հետո ադրբեջանական կողմը սպանել է առնվազն 5 քաղաքացիական անձի։ Արցախի Մարդու իրավունքների պաշտպանի գրասենյակը լուսանկարներ է հրապարակել խոշտանգված աճյուններից (18+)։ Մինչև hոկտեմբերի 10-ը ներառյալ Արցախում ադրբեջանական գործողություններից մահացել է 25 քաղաքացիական, որից 5-ը՝ հոկտեմբերի 10-ին։ Առնվազն 102 վիրավոր է եղել: Զոհերի մեծամասնությունը հիսունն անց տարիքի են, նրանցից 9-ը կին է, 1-ը՝ երեխա: Մասնավորապես, հոկտեմբերի 10-ի կեսօրին Հադրութ ներխուժած դիվերսիոն խմբի անդամները գնդակահարել են առնվազն 4 քաղաքացիականի՝ հաշմանդամություն ունեցող Միշա Մովսիսյանին, նրա մորը՝ Անահիտ Մովսիսյանին, Նվեր Գրիգորյանին և Արտյոմ Միրզոյանին: Ըստ ՄԻՊ-ի՝ նախնական տվյալով` Հադրութում կան նաև այլ քաղաքացիական զոհեր, հանգամանքները դեռ պարզվում են: Հոկտեմբերի 10-ի օրվա վերջին և գիշերվա ընթացքում Ադրբեջանը հրթիռահրետանային հարվածներ է հասցրել Ստեփանակերտի, Մարտունու, Շուշիի և այլ բնակավայրերի բնակելի հատվածներին: Դրանց հետևանքով Մարտունի քաղաքում իր տան փլատակների տակ սպանվել է 75-ամյա Պարգև Սաղյանը, իսկ Շոշ գյուղում` վիրավորվել 65-ամյա կին: Ստեփանակերտի վնասված տներից մեկի տարածք այցի ընթացքում Պաշտպանը գտել է միջազգային մարդասիրական իրավունքով արգելված «Սմերչ» կասետային հրթիռի մնացորդներ, որոնք պարբերաբար ու լայնորեն կիրառվում են Ադրբեջանի կողմից: ՀՀ-ն և Ադրբեջանը Մոսկվայում արտաքին գործերի նախարարների մասնակցությամբ հանդիպմանը պայմանավորվել էին հոկտեմբերի 10-ին ժամը 12։00-ից ԼՂ հակամարտության գոտում հումանիտար նպատակներով կրակի դադարեցման մասին՝ դիակների և գերիների փոխանակման նպատակով։ Հոկտեմբերի 10-ին ժամը 12։00-ին Արցախի պաշտպանության բանակի ստորաբաժանումներին կրակի դադարի հրաման էր տրվել, սակայն, ադրբեջանական ստորաբաժանումները 12:05-ին գրոհ են ձեռնարկել «Կարախամբեյլի» կոչվող տեղամասի ուղղությամբ և դիվերսոն մարտեր Հադրութի ուղղությամբ։ Իսկ գիշերվանից սկսել է հրթիռակոծել Ստեփանակերտը, Շուշին և այլ բնակավայրեր։ Հոկտեմբերի 11-ին հարավում հակառակորդը ձեռնարկել է գրոհ։   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
