$2․5 մլն` «1000 դրամի» հիմնադրամին․ Առաջիկայում հատուցումները կսկսեն տրամադրել18 հոկտեմբերի 2020 - 11:24 AMT PanARMENIAN.Net - Զինծառայողների ապահովագրության հիմնադրամին պատերազմի առաջին օրից` սեպտեմբերի 27-ից ի վեր նվիրաբերվել է ավելի քան 2.5 միլիոն դոլար: Արդեն առաջիկա օրերին կսկսեն հատուցումներ տրամադրել նաև սեպտեմբերի 27-ից հետո զոհված զինծառայողների ընտանիքի անդամներին, վիրավորված զինծառայողներին ու կամավորներին: Այդ մասին հայտարարել է Հիմնադրամի տնօրեն Վարուժան Ավետիքյանը, տեղեկացնում է «Ազատություն» ռադիոկայանը։ Նվիրատվությունները կատարվել են 58 երկրից, առավել ակտիվ մասնակցել են Հայաստանից, ԱՄՆ-ից և Ռուսաստանից։ Հիմնադրամը հատուցումներ է տրամադրում զոհված զինծառայողների ընտանիքներին, մարտական գործողությունների ընթացքում վիրավորված զինծառայողներին։ Հիմնադրամի հիմնական եկամտի աղբյուրն աշխատող քաղաքացիների աշխատավարձից ամսական գանձվող 1000-ական դրամներն են: Ավետիքյանը նշել է, որ Պաշտպանության նախարարության հետ համատեղ փորձում են շահառուների մասին տեղեկատվություն ստանալ: «Մոտ օրերս կառավարությանը կներկայացնենք որոշակի փաթեթ, որոշումների նախագծեր, որոնք անհրաժեշտ են, որ կառավարությունն ընդունի, որպեսզի կարողանանք ավելի քիչ թղթաբանություն օգտագործելով սկսենք հատուցումները: Ամեն ջանք ներդնում ենք մեր ՊՆ գործընկերների հետ, աշխատանքի և սոցիալական հարցերի նախարարության հետ, որպեսզի շուտ կարողանանք կոորդինացնել այդ որոշումները, ներկայացնել, ընդունել, որպեսզի թղթաբանությունը կրճատենք», - ասել է Ավետիքյանը: Հիմնադրամը մոտ 420 շահառու ունի: Յուրաքանչյուր զոհված զինծառայողի ընտանիքի անդամներին, առաջին կամ երկրորդ խմբի հաշմանդամություն ստացած վիրավոր զինծառայողին և կամավորին հատուցում են 130-170 հազար դոլար: «20 հազար դոլար մեկ անգամից ենք տալիս, ապա 20 տարի շարունակ` 240 ամիս, ամսական 400-ից 600 դոլար: Մենք 3 աղբյուր ունենք գումարների ստացման. առաջինը 1000 դրամներն են, որոնք վճարվում են, երկրորդը նվիրաբերություններ են, և էլի զգալի գումար ստանում ենք այդ ֆոնդի միջոցները կառավարելու արդյունքում եկամուտներից: Ես կուզեմ ասել, որ, օրինակ` նախորդ տարի այդ ֆոնդի միջոցները կառավարելիս մենք շուրջ 2.5 միլիոն դոլար եկամուտ ենք ստացել, որը կուտակվել է հիմնադրամում: Որևէ աղբյուրից ստացված եկամուտը կուտակվում է հիմնադրամում և բաշխվում է ըստ նպատակի, այսինքն` զոհված և հաշմանդամ դարձած զինծառայողներին և կամավորականներին, այսինքն` այլ նպատակ օգտագործման չկա», - մանրամասնել է հիմնադրամի տնօրենը: 1000 դրամների հիմնադրամի գործունեության մեկնարկին աջակցությունը տարածվում էր միայն 2017 թվականի հունվարի 1-ից հետո տեղի ունեցած դեպքերի վրա, այնուհետև հիմնադրամի հոգաբարձուների խորհրդի կայացրած որոշումներով շահառուների ցանկը 2 անգամ ընդլայնվեց` նախ ընդգրկելով 2015-2016 թվականների, այնուհետև 2008-2014 թվականների ընթացքում հայրենիքի պաշտպանության ժամանակ զոհված զինծառայողների ընտանիքներին կամ հաշմանդամություն ձեռքբերածներին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |