 100 կոնգրեսական դիմել է USAID-ին Արցախի ականազերծումը ֆինանսավորելու համար 4 նոյեմբերի 2020 - 15:56 AMT PanARMENIAN.Net - Ամերիկայի հայ ազգային կոմիտեն և Արցախն ականազերծող HALO Trust-ը ողջունել են ԱՄՆ 100 կոնգրեսականի՝ ի պատասխան թուրք-ադրբեջանական ագրեսիայի՝ Արցախն ականազերծելու և զինամթերքներից մաքրելու համար հումանիտար օգնություն ցուցաբերելու կոչը։ Կոնգրեսականները նամակ են հղել ԱՄՆ-ի միջազգային զարգացման գործակալությանը (USAID)։ HALO Trust-ի գործադիր տնօրեն Քրիս Վաթլեյի խոսքով՝ կազմակերպությունը հույս ունի, որ ԱՄՆ-ն մեծ միջոցներ կներդրի Հարավային Կովկասում հումանիտար ճգնաժամին արձագանքելու ուղղությամբ։ Կոնգրեսականները մատնանշում են, որ Լեռնային Ղարաբաղի բնակավայրերը թուրք-ադրբեջանական ուժերի կողմից թիրախավորվում են հրթիռներով, ավիառումբերով, կասետային զինամթերքներով, որոնք երբեմն չեն պայթում։ Նշվում է, որ խաղաղ բնակչությանը պաշտպանելու և ԼՂ-ում իրավիճակը կայունացնելու ջանքերին նպաստելու համար կոչ է արվում USAID-ին ներդրումներ կատարել մարդասիրական ականազերծման և չպայթած զինամթերքների վնասազերծման գործում, ինչպես նաև տրամադրել լրացուցիչ մարդասիրական օգնություն հակամարտության գոտում գտնվողներին։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Կոլումբիան խզում է հարաբերություններն Իսրայելի հետ  Գազայի հատվածի շրջափակումը այդ երկրի նախագահը «ցեղասպանություն» է անվանելՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունըԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |
