  Կանադական Լավալը միաձայն ճանաչել է Արցախի անկախությունը 5 նոյեմբերի 2020 - 10:41 AMT PanARMENIAN.Net - Կանադայի Լավալ քաղաքը միաձայն ճանաչել է Արցախի անկախությունը, տեղեկացնում է այդ երկրում Հայ դատի հանձնախումբը։ Որոշման մեջ, մասնավորապես, ասված է, որ Լավալը․ • ճանաչում է Լեռնային Ղարաբաղի ժողովրդի ինքնորոշման իրավունքը, • դատապարտում է Արցախի Հանրապետության դեմ 2020-ի սեպտեմբերի 27-ին Ադրբեջանի սկսած ռազմական ագրեսիան, • կոչ է անում Կանադայի և Քվեբեկի կառավարություններին հնարավորն անել միջազգային հումանիտար իրավունքի, մասնավորապես՝ Ժնևյան կոնվենցիաների կատարումն ապահովելու համար, • առաջարկում է Կանադայի կառավարությանն ընդունել Արցախի (Լեռնային Ղարաբաղի) հայերի անջատման իրավունքը՝ ճանաչելով Արցախի Հանրապետության անկախությունը: Ավելի վաղ Արցախի անկախությունը ճանաչել էին Իտալիայի Պալերմո, Միլան և Չերքիարա դի Կալաբրիա քաղաքները, ինչպես նաև Լոմբարդիա տարածաշրջանը։ Աշխարհի մի շարք քաղաքներ և նահանգներ ճանաչել են Արցախի անկախությունը։ ԱՄՆ Կոնգրեսի հայկական հարցերով հանձնախմբի համանախագահ Ֆրենկ Փալոունն Արցախի անկախությունը ճանաչելու բանաձև է ներկայացրել Ներկայացուցիչների պալատ։ ԱՄՆ 8 նահանգ դեռևս մինչ պատերազմը ճանաչել էր Արցախի անկախությունը: Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Հայկական առաջին բանկը Ֆասթեքսվերսում․ Ֆասթ Բանկը ներկայացնում է իր վիրտուալ տարածքը  Oգտատերերը ևս կարող են ստեղծել իրենց սեփական ավատարներըԵրևանում իրազեկման ակցիաներ են անցկացվել, փողոցներ փակվել Դավթաշենում քաղաքացիները 15 րոպեով փակել էին ճանապարհըՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում |
