Շիրակում ճանապարհներ են փակում․ Ակցիայի մասնակիցները գերիների վերադարձն են պահանջում16 դեկտեմբերի 2020 - 13:15 AMT PanARMENIAN.Net - Շիրակի մարզի մի շարք համայնքներում քաղաքացիները փողոց են դուրս եկել ու ճանապարհներ փակել՝ գերիների վերադարձի ու վարչապետ Նիկոլ Փաշինյանի հրաժարականի պահանջով։ Տասնյակ քաղաքացիներ փակել են Գյումրի-Բավրա ավտոճանապարհը, նրանք պահանջում են Նիկոլ Փաշինյանի հրաժարականը, փոխանցում է Gala Tv-ն։ Sputnik Armenia-ի փոխանցմամբ էլ Շիրակի մարզում համատարած բողոքի ակցիաներ են, քաղաքացիները պահանջում են գերեվաված մոտ 150 շիրակցու վերադարձը։
Ավելի վաղ հայտարարվել էր, թե Շիրակի մարզից մոտ 150 կամավոր գերեվարվել է Հադրութի շրջանի գյուղերի դիրքերում։ ՊՆ-ից հայտնել էին, որ դեկտեմբերի 15-ի երեկոյան, դեռևս անհայտ պայմաններում, կորել է կապը Հադրութի Հին Թաղեր և Խծաբերդ գյուղերի ուղղությամբ տեղակայված ԱՀ ՊԲ մի քանի մարտական դիրքերի անձնակազմի հետ։ Նրանց հանդիպելու է եկել մարզպետ Տիգրան Պետրոսյանը, նա փորձել է ակցիայի մասնակիցներին փոխանցել պաշտպանության նախարարությունից հեռախոսահամար, սակայն հավաքվածները չեն լսել վերջինիս՝ ասելով, թե համարը կեղծ է։ Շիրակցիներն արդեն փակել են Քեթիի և Ազատանի ճանապարհները և փորձում են փակել Գյումրի-Երևան ավտոճանապարհի` Լանջիկ գյուղի հատվածը։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ առան իրենց զբաղեցրած դիրքերում: Իսկ ՌԴ խաղաղապահները տեղակայվեցին ԼՂ շփման գծի երկայնքում և Հայաստանի հետ կապող միջանցքում: Պատերազմի ընթացքում հայկական կողմը տարածքային կորուստներ ունեցավ որոշ ուղղություններով, այդ թվում կորցրեց Շուշին։ Բացի այդ, ըստ եռակողմ հայտարարության, հայկական կողմը հետ քաշեց զորքերը Աղդամից, Քարվաճառից և Լաչինից։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |