Դատախազություն․ 8․3 մլն դրամի հափշտակության դեպքով` «Այբ» հիմնադրամի դեմ քրգործն ուղարկվել է ՔԿ

Դատախազություն․ 8․3 մլն դրամի հափշտակության դեպքով` «Այբ» հիմնադրամի դեմ քրգործն ուղարկվել է ՔԿ

PanARMENIAN.Net - Քրեական գործ է հարուցվել «Այբ» կրթական հիմնադրամի կողմից իրականացվող ծրագրի շրջանակում 8․3 մլն դրամ առերևույթ հափշտակություն կատարելու դեպքով, հայտարարել է Գլխավոր դատախազի խորհրդական Գոռ Աբրահամյանը։

Քրգործը նախաքննություն կատարելու համար ուղարկվել է ՀՀ քննչական կոմիտե:

«Կրթության գերազանցության ազգային ծրագրի» շրջանակում թույլ տրված հնարավոր չարաշահումների, մասնավորապես ծրագրի իրականացման նպատակով ՀՀ պետական բյուջեից նվիրատվությամբ հատկացված միջոցներից մոտ 8.3 մլն դրամ ենթադրաբար վատնման եղանակով հափշտակելու կապակցությամբ հարուցվել է քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով (յուրացնելը կամ վատնելը, պատժվում է ազատազրկմամբ` 5-8 տարի ժամկետով` գույքի բռնագրավմամբ կամ առանց դրա)։

Քրգործը հարուցվել է կրթության, գիտության, մշակույթի և սպորտի նախարարությունից ստացված գրության հիման վրա նախապատրաստված նյութերով։

 Ուշագրավ
Պարզվել է, որ քրեական գործ չի հարուցվել, մեղադրանք առաջադրելու համար էլ ապացույցներ չեն գտել
Պաշտպանը նշել է, որ ադրբեջանական իշխանություններն արհեստական ձգձգում, քաղաքականացնում են գործընթացը
Նա հանցագործության մասին հաղորդում կներկայացնի