Վարդանյան․ ՀՀ-ն կամ «Աբխազիայի» կվերածվի, կամ կվերագործարկի ամբողջ համակարգը27 փետրվարի 2021 - 17:06 AMT PanARMENIAN.Net - Հայտնի ռուսաստանաբնակ հայ գործարար և բարերար Ռուբեն Վարդանյանը, անդրադառնալով հայաստանյան վերջին իրադարձություններին, ասել է, որ առաջին հերթին հարկավոր է, որ Հայաստանում զարգացումները խաղաղ հանգուցալուծում ունենան, ինչը հատկապես կարևոր է 2020թ․ ծանրագույն ճգնաժամերից հետո։ ՌԲԿ-ին հարցազրույցում նա նշել է, որ, ցավոք, ընտրությունը ՀՀ-ում երկու բացասականի միջև է, ըննդեմ է՝ դա շատ վտանգավոր է, երբ ընտրությունը ոչ թե դրական օրակարգի շուրջ է, այլ ներկայի և անցյալի։ «Դա ՀՀ ներքին գործն է, բայց այլընտրանքը պետք է լինի ապագայի տեսլականի ձևով»,- ասել է նա՝ հավելելով, որ այդպիսի ներուժ Հայաստանում կա։ Վարդանյանը կարևորել է ապագա Հայաստանի տեսլականը։ «Անընդհատ անցյալից ենք խոսում։ Պետք է որոշենք, թե ինչպիսի Հայաստան ենք տեսնում, ինչպիսի Հայաստան ենք ուզում ունենալ, որը մի քիչ ավելի ապագայի հարց է։ Ըստ նրա՝ կա 2 տարբերակ։ Առաջինը, երբ մարդիկ ուղղակի չեն տեսնում իրենց ապագան ՀՀ-ում, կամ չեն ուզում այդպիսի ապագա և ոտքերով են քվեարկում՝ հեռանում են երկրից։ «Այդ դեպքում երկրում կմնա մոտ 1․5 մլն մարդ, էլի մի 2 մլրդ դոլարի օգնություն կգա, մարդիկ մի քիչ ավելի լավ կապրեն, քանի որ նույն գումարն ավելի քիչ քանակով մարդկանց վրա կբաշխվի, բայց դա չի լինի լիարժեք պետություն։ ՀՀ-ն կվերածվի Աբխազիայի նման մի պետության, որը, օրինակ, չունի հստակ արդյունաբերական քաղաքականություն, բայց այնտեղ մարդիկ են ապրում, ինչ-որ բիզնես են դնում։ Այս սցենարը շատ իրատեսական է»,- ասել է նա։ Ըստ Վարդանյանի՝ կա նաև 2-րդ սցենար՝ եզակի հաջող օրինակ ստեղծել պետության և հայության գործակցության առումով։ ՀՀ-ում կա նորացման և ամբողջ համակարգի վերագործարկման խնդիր։ Սփյուռքը չպետք է միայն քննադատի, որոշ գումար ուղարկի և դրանով իր պարտքը համարի կատարած։ «Հարցն այն է, թե պատրա՞ստ են արդյոք սփյուռքում ապրող հայերը գալ Հայաստան, և ոչ թե նախարարների պաշտոններին, այլ, օրինակ, գյուղ՝ և փորձել փոխել իրավիճակը։ Սա մեծ մարտահրավեր է սփյուռքի համար՝ պատրա՞ստեն թողնել հարմարավետ տեղերն ու գալ ՀՀ, ինչպես ժամանակին մարդիկ ԲԱՄ կառուցելու էին գնում, որտեղ ոչինչ չկար, բայց կար մեծ գաղափար։ Նախկին մոդելը, երբ սփյուռքից միայն օգնություն և խորհուրդ էր ընդունվում, և որը հարմար էր երկու կողմին էլ, այլևս չի գործում։ Պետք է անցնել փոխգործակցության նոր մոդելի՝ փոխգործակցության, գործընկերության, ներդրումների։ Էկոհամակարգեր ստեղծել, ներդրումներ։ Եվ խոսքը 100,000-ավոր մարդկանց մասին է, ոչ թե մի քանի տասնյակ թոփ մենեջերների, որոնք կգան Հայաստան ու դրախտի կվերածեն այն»,-ասել է նա։ Ըստ նրա 3-րդ ճանապարհ չկա՝ կամ Հայաստանը գնում է երկրորդ մոդելով և գրավիչ երկիր է դառնում հայերի և ոչ հայերի համար, կամ վերածվում է յուրօրինակ մի «արգելոցի»։ Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ծիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ Երևանում անհնազանդության ակցիաներ են. Փողոցներ են փակվում, կառավարության դիմաց ցույց է Քաղաքացիների կողքին ընդդիմադիր պատգամավորներ կան Նախարար․ 2026–ից բուհ կընդունվեն դպրոցական ավարտական քննությունների արդյունքներով Տավուշի մարզում 2021–22 թվականներից փորձարկվում է հանրակրթության նոր չափորոշիչը |