Մարզպետ․ 2021-ին Տավուշում մոտ $83 մլն-ի ներդրում կարվի26 մարտի 2021 - 14:00 AMT PanARMENIAN.Net - 2021-ին Տավուշի մարզում մոտ 44 մլրդ դրամի (մոտ $83 մլն) ներդրում կիրականացվի, հայտարարել է մարզպետ Հայկ Չոբանյանը։ Նա նշել է, որ այդ գումարից մոտ 7 մլրդ դրամի ներդրումները մասնավոր կլինեն, գրում է Sputnik Արմենիան։ «2021թ․ համար կանխատեսում ենք մոտ 44 մլրդ դրամի ընդհանուր ծավալով ներդրումներ։ Հիմնական ուղղությունները կլինեն գյուղատնտեսությունը, զբոսաշրջությունը, ավելի պակաս՝ արդյունաբերությունը»,- ասել է մարզպետը։ Նրա խոսքով՝ 2021-ին արդեն վերսկսվել են անցյալ տարի կիսավարտ մնացած համայնքային ու պետական բազմաթիվ ծրագրեր: Մարզպետը հայտնել է, որ այս տարի նախատեսված տնտեսական ծրագրերը 32 տոկոսով գերազանցում են 2020-ի ծավալը: Ըստ մարզպետի՝ 2021-ին կիրականացվեն աննախադեպ ծրագրեր՝ ոռոգման համակարգերի վերականգնման առումով։ «Դրանք վերաբերում են նաև ջրամբարների ջրերի օգտագործմանը, որոնք, գտնվում են Ադրբեջանի հետ սահմանին, ամենացածրադիր գոտում, և մենք այդ ջրերը գրեթե չէինք օգտագործում»,- ասել է Չոբանյանը՝ հավելելով, որ 2021-ին պետություն-մասնավոր համագործակցության ծրագրերով նախատեսվում է ստեղծել նոր ոռոգման համակարգեր: «5000 հեկտարը ոռոգելի դարձնելն իր հետևից բերելու է 5000 հա-ի ներդրումային ծրագիր, որի ընդհանուր գնահատականն առնվազն պիտի կազմի 10 մլրդ դրամ, որովհետև ժամանակակից տեխնոլոգիաներով այգեգործությունն այդ չափանիշներն ունի»,- ասել է մարզպետը: Չոբանյանը նշել է նաև, որ կան ներդրողներ, ովքեր ստեղծված իրավիճակում կասեցրել են իրենց ծրագրերը: Դրանք հիմնականում ՀՀ-ից դուրս բնակվող ներդրողներ են, ովքեր Տավուշում սահմանների վերանայման մասին տարածված լուրերի ազդեցության տակ, առայժմ չեն շտապում վերսկսել իրենց ներդրումային ծրագրերը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Փաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անել Վարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել |