  Կանադան արգելել է ԱԹՍ-ներում կիրառվող տեխնոլոգիաների արտահանումը Թուրքիա 13 ապրիլի 2021 - 15:19 AMT PanARMENIAN.Net - Կանադայի իշխանությունները չեղարկել են Թուրքիային ռազմական ապրանքների ու տեխնոլոգիաների մատակարարումը, որոշման պատճառը Լեռնային Ղարաբաղում անօդաչու թռչող սարքերի մեջ կանադական տեխնոլոգիաների կիրառումն է եղել, փոխանցում է «Կոմերսանտը»։ Կանադայի արտգործնախարար Մարկ Գարնոն հայտնել է, թե որոշումը քննարկվել է նաև իր թուրք պաշտոնակից Մևլութ Չավուշօղլուի հետ։ «Ես հայտարարում եմ թույլտվության չեղարկման մասին, որի գործունեությունը դադարեցվել էր 2020-ին։ ԼՂ-ում կիրառված տեխնոլոգիաների օգտագործումը չի համապատասխանել Կանադայի միջազգային քաղաքականությանը և վերջնական օգտագործման մասին Թուրքիայի հավաստացումներին»,-հայտարարել է Գարնոն։ Կանադայի ԱԳՆ-ից նաև նշել են, որ բազմաթիվ ապացույցներ կան թուրքական Bayraktar անօդաչուներում իրենց ռազմական տեխնոլոգիաների կիրառման մասին։ Ավելի վաղ Օտտավայում Թուրքիայի դեսպանատնից արձագանքել էին, որ ակնկալում են, թե ՆԱՏՕ-ի իրենց դաշնակիցները «կխուսափեն ապակառուցողական քայլերից», փոխանցում է Reuters-ը։ «Մենք ակնկալում ենք, որ ՆԱՏՕ-ի մեր դաշնակիցները կխուսափեն երկկողմ հարաբերությունների վրա բացասաբար անդրադարձող և դաշինքի համերաշխությունը խաթարող ապակառուցողական քայլերից»,-ասել էին դեսպանատնից՝ նշելով նաև, որ Չավուշօղլուն Կանադային հորդորել է վերանայել պաշտպանական արդյունաբերության սահմանափակումները։ 2020-ի հոկտեմբերին Կանադան սառեցրել էր Թուրքիային տեխնոլոգիաներ արտահանելու թույլտվությունը՝ ԼՂ-ում կանադական ռազմական տեխնոլոգիաների կիրառման պատճառով։ Թուրքիան Կանադային մեղադրել էր երկակի ստանդարտների քաղաքականության և արտաքին քաղաքականության վրա «հակաթուրքական շրջանակների» ազդեցության մեջ։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա  Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներՍենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ |
