Հայաստանն Իրանում առևտրային կցորդ կունենա 15 ապրիլի 2021 - 13:53 AMT PanARMENIAN.Net - Հայաստանն Իրանում առևտրային կցորդ կունենա, որոշումն ընդունվել է Կառավարության նիստում։ Ըստ դրա՝ Հայաստանից Իրան կգործուղվի համապատասխան «պաշտոնյա գիտակ անձ՝ առևտրական կցորդ, ով պատշաճ և մշտական հիմունքներով կարող է ապահովել Հայաստանի տնտեսավարների շահերի պաշտպանոււթյունն իրանական շուկայում»։ Գործադիրում նշել են, որ ներկայումս միտում կա ընդլայնելու առևտրատնտեսական համագործակցության ոլորտները, ակտիվացնելու փոխադարձ այցերը և համատեղ միջոցառումների իրականացումը, ինչպես նաև գործակցել գործընկերային և այլ խոշոր նահանգների ու քաղաքների հետ: «ԻԻՀ բարձրաստիճան պաշտոնյաների հետ վերջին ժամանակահատվածում ձեռք բերված պայմանավորվածությունների արդյունքներով ներկայումս աշխատանքներ են իրականացվում հայ-իրանական առևտրատնտեսական հարաբերությունների ընդլայնման, ինչպես նաև երկկողմ առևտրաշրջանառության ծավալների ավելացման ուղղությամբ։ Համաձայն ՀՀ վիճակագրական կոմիտեի տվյալների` ՀՀ առևտրաշրջանառությունն ԻԻՀ հետ 2020 թվականին կազմել է $400.2 մլն, այդ թվում՝ արտահանումը Հայաստանից Իրան կազմել է $84.8 մլն, իսկ Իրանից Հայաստան ներմուծումը, ըստ ծագման երկրի հատկանիշի, կազմել է $315.4 մլն», - ասվում է նախագծի հիմնավորման մեջ։ Իրանում Հայաստանի առևտրական կցորդի հաստիք ստեղծելու մասին կառավարության որոշման նախագծի ընդունման պատճառով պետական բյուջեում սպասվում է ծախսերի և եկամուտների փոփոխություն։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Բաժիններ թեմայով Վերջին լուրեր Զախարովա․ ՌԴ–ն ՀՀ-ից հստակ արձագանքի է սպասում ԱՄՆ և ԵՄ հետ «ռազմաքաղաքական պայմանավորվածությունների մասին»  Ըստ նրա, տեղեկություններ են հայտնվել, որ ապրիլի 5–ի հանդիպմանը ռազմաքաղաքական ոլորտին առնչվող պայմանավորվածություններ են ձեռք բերվելՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննությունՎարդենիսում 13-ամյա աղջկա են բռնաբարել. Նրա վիճակը ծանր է Քննչական կոմիտեի մամուլի խոսնակ Գոռ Աբրահամյանը հայտնել է, որ նախաձեռնվել է քրեական վարույթԱղդամի ռուս–թուրքական համատեղ մշտադիտարկման կենտրոնն ավարտում է աշխատանքը Ըստ Թուրքիայի ՊՆ–ի, կենտրոնի փակման գործընթացը շարունակվում է Ադրբեջանի և ՌԴ հետ համագործակցությամբ |
