Գրիգորյանն ու Հաջիևը Բրյուսելում քննարկել են ապրիլի 6-ի եռակողմ հանդիպման մանրամասները31 մարտի 2022 - 11:04 AMT PanARMENIAN.Net - ՀՀ անվտանգության խորհրդի քարտուղար Արմեն Գրիգորյանը Բրյուսելում հանդիպել է Ադրբեջանի նախագահի օգնական Հիքմեթ Հաջիևի հետ` հանդիպման կազմակերպմանը նպաստել է Հարավային Կովկասում ԵՄ հատուկ ներկայացուցիչ Տոյվո Կլաարը։ Գրիգորյանն ու Հաջիևը նաև առանձնազրույց են ունեցել։ Մասնավորապես, քննարկվել են ապրիլի 6-ին Բրյուսելում կայանալիք Եվրոպական խորհրդի նախագահ Շառլ Միշելի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպման նախապատրաստական աշխատանքները։ «Բովանդակային քննարկումների ընթացքում մասնակիցները քննարկել են քաղաքական և անվտանգային իրավիճակը, ինչպես նաև Հայաստանի և Ադրբեջանի միջև առկա հարցերի ամբողջ շրջանակը՝ որպես երկու երկրների ղեկավարների և Շառլ Միշելի միջև 2021 թվականի դեկտեմբերի 14-ին Բրյուսելում տեղի ունեցած հանդիպման ժամանակ ձեռք բերված փոխըմբռնումների շարունակություն», – ասված է ԵՄ կայքում։ Հանդիպման մասնակիցները պայմանավորվել են կրկին հանդիպել առաջիկա շաբաթների ընթացքում՝ շարունակելու քննարկումները, այդ թվում՝ դեկտեմբերի 14-ին երկու երկրի ղեկավարների հանդիպման ժամանակ բարձրացված հարցերի շուրջ: Հայաստանն ու Ադրբեջանը կքննարկեն նաև երկու երկրի միջև խաղաղության համաձայնագրի հեռանկարներին առնչվող հարցեր: Նշվում է, որ Եվրամիությունը նախկինի պես հավատարիմ է Հարավային Կովկասում կայուն խաղաղության և կայունության ապահովմանը։ Ապրիլի 6-ին կհանդիպեն ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը։ Հանդիպումը տեղի կունենա Բրյուսելում Եվրոպական խորհրդի նախագահ Շառլ Միշելի մասնակցությամբ: Վերջին անգամ ՀՀ և Ադրբեջանի ղեկավարները հանդիպել են 2021-ի դեկտեմբերին 14-ին՝ Բրյուսելում, կրկին Միշելի մասնակցությամբ։ Քննարկվել են 2020-ի նոյեմբերի 9-ի, 2021-ի հունվարի 11-ի, ինչպես նաև նոյեմբերի 26-ի եռակողմ հայտարարությունների կատարման ընթացքը: Ապա դեկտեմբերի 15-ին Արևելյան գործընկերության գագաթնաժողովի ավարտից հետո տեղի է ունեցել Փաշինյանի, Ֆրանսիայի նախագահ Էմանուել Մակրոնի և Ալիևի եռակողմ հանդիպումը։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |