 Ադրբեջանի ԱԳՆ-ին զայրացրել է «անջատողական միտումներով» Բեգլարյանի հարցազրույցի հրապարակումը․ ՌԻԱ Նովոստին արգելափակվել է 4 հունիսի 2022 - 11:02 AMT PanARMENIAN.Net - Ադրբեջանի ԱԳՆ-ն, անդրադառնալով ԱՀ պետնախարար Արտակ Բեգլարյանի ծավալուն հարցազրույցին, որը նա տվել է ՌԻԱ Նովոստի գործակալությանը, հայտարարել է, թե «անջատողական միտումներով» այդ հարցազրույցի հրապարակումը «ստվերում է խաղաղության հաստատմանն ուղղված ՌԴ ջանքերը» և հակասում է ՌԴ և Ադրբեջանի միջև Դաշնակցային փոխգործակցության մասին 2022թ․ հռչակագրին: Արդբեջանի տարածքում ՌԻԱ Նովոստին արգելափակվել է, հայտնում է Haqqin.az-ը։ Ադրբեջանի ԱԳՆ մամուլի քարտուղար Լեյլա Աբդուլլաևայի մեկնաբանության մեջ ասվում է, որ ՌԴ պետական լրատվական գործակալության կողմից «Ադրբեջանի տարածքային ամբողջականության դեմ, անջատողական միտումներ ունեցող տեղեկատվության տարածումը չի համապատասխանում Ադրբեջանի և ՌԴ բարեկամական հարաբերությունների ոգուն, և լուրջ ափսոսանք է առաջացնում», գրում է ԱՊԱ գործակալությունը։ «Պետական գործակալության այդ քայլը հակասում է Ադրբեջանի և ՌԴ միջև բարեկամության, անվտանգության և ռազմավարական գործընկերության մասին 1997թ․ համաձայնագրի և Դաշնակցային փոխգործակցության մասին 2022թ․ հռչակագրին, որտեղ ասվում է, որ կողմերը «ձեռնպահ են մնալու ՄԱԿ Կանոնադրության և միմյանց ինքնիշխանության ու տարածքային ամբողջականության դեմ ուղղված ցանկացած քայլից», ինչպես նաև «հակազդելու են անջատողականության սպառնալիքներին»,-ասվում է Ադրբեջանի ԱԳՆ հայտարարության մեջ։ ԱՀ պետական նախարար Արտակ Բեգլարյանը ՌԻԱ Նովոստիին հարցազրույցում ասել է, որ ԼՂՀ իշխանություններն ուզում են, որ ՌԴ խաղաղապահները մնան տարածաշրջանում, քանի որ Ադրբեջանը, նրա կարծիքով, պատրաստ չէ միջազգային միջնորդների առաջարկած երեք հստակ սկզբունքով հանրապետության հետ բանակցություններ վարել. տարածքային ամբողջականություն, ազգի ինքնորոշման իրավունք և ուժի կամ ուժի կիրառման սպառնալիքի չկիրառում։ Նա հավելել է, որ երբ հակամարտությունը կարգավորվի, ԼՂ-ի և Ռուսաստանի միջև կարող է քննարկվել խաղաղապահների հետագա հարցը։ Բեգլարյանն ասել է, որ ԼՂՀ իշխանությունները մշտապես բանակցում են Երևանի հետ հանրապետության ճանաչման շուրջ, սակայն առաջընթաց դեռ չկա։ Նա հավելել է նաև, որ փաստացի Հայաստանը ճանաչել է Լեռնային Ղարաբաղը, քանի որ հանրապետությունների միջև հորիզոնական կապեր են հաստատված` ինչպես «հավասարը հավասարի հետ»։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն չի ընդունել սահմանազատման վերաբերյալ ընդդիմության նախագիծը  ՔՊ-ական Մարիա Կարապետյանը հայտարարել է, որ Հայաստանի տարածքից ոչ մի միլիմետր չի զիջվում որևէ մեկինՀՀ-ն և Սաուդյան Արաբիան քննարկել եմ տնտեսական և աշխատաշուկայի հարաբերությունների զարգացումը Անդրադարձ է կատարվել երկկողմ համագործակցության հեռանկարներինԴիվանագետների համահայկական խորհուրդ․ Արտաքին քաղաքական ռազմավարության սկզբունքային փոփոխություն է պետք Նշվում է, որ սահմանազատման և սահմանագծման գործընթացը պետք է բխի միջազգային իրավունքի հիմնարար սկզբունքներիցՓաշինյանը կիրանցիներին առաջարկել է սկսել աշխատել ու համատեղ քննարկումների միջոցով լուծում տալ հարցերին Ըստ Նազարյանի, Փաշինյանն ասել է, որ սահմանապահները կագնեն, «կարող ա մի 7 օր անվտանգ ապրեք, 8-րդ օրը անվտանգ չլինի» |
