ՌԴ Դաշնային ժողովի Պետդումայի նախագահ Վյաչեսլավ Վոլոդինն ԱԺ նախագահ Ալեն Սիմոնյանի գլխավորած պատվիրակության հետ հանդիպմանը խոսել է նաև Հայաստանում ռուսական դպրոցներ բացելու մասին, հայտնում է ՏԱՍՍ-ը։
«ՌԴ Պետդումայի նախագահը նաև անդրադարձել է ՀՀ-ում ռուսաց լեզվի վիճակին՝ ուշադրություն հրավիրելով Հայաստանում ռուսաց լեզվով ուսուցմամբ դպրոցների բացման հարցին»,-ասվում է հաղորդագրության մեջ։
2021-ի հոկտեմբերին Ռուսաստանի ԱԳ նախարար Սերգեյ Լավրովն էր հայտարարել է, որ Հայաստանը ղեկավարությունը հետաքրքրություն է դրսևորել երկրում ռուսական դպրոցներ բացելու հարցում։ «Վերջին շրջանում Հայաստանի նոր ղեկավարությունը ևս հետաքրքրություն է դրսևորել Հայաստանում նմանատիպ ծրագիր իրագործելու հանդեպ»,-ասել էր նախարարը։
ՀՀ-ում կան ռուսական դպրոցներ կամ ռուսական դասարաններ, որտեղ կարող են սովորել ազգությամբ ռուս կամ ՌԴ քաղաքացիություն ունեցող երեխաները, կամ այն երեխաները, որոնց ծնողներից մեկն ազգությամբ ռուս է։
