ԵԱԶԲ․ Հայաստանի ՀՆԱ աճը, նախնական գնահատականով, կկազմի 12․5% 29 նոյեմբերի 2022 - 18:59 AMT PanARMENIAN.Net - Եվրասիական զարգացման բանկի (ԵԱԶԲ) Վերլուծական աշխատանքների տնօրենության երկրների վերլուծության կենտրոնի ղեկավար Ալեքսեյ Կուզնեցովը, ներկայացնելով «Մակրոտնտեսական կանխատեսումը», ասել է, որ 2022-ին Հայաստանի ՀՆԱ աճը, նախնական գնահատականների համաձայն, կկազմի 12․5%։ «Հայաստանի տնտեսությունն ընթացիկ տարում տարածաշրջանում աճի առումով առաջատարն է։ Մեր գնահատականներով` ՀՆԱ-ի աճն ընթացիկ տարում կարող է կազմել 12․5%։ Սա տնտեսության ամենասրընթաց աճը կլինի, հավանաբար, վերջին 15 տարվա ընթացքում», – ասել է Կուզնեցովը, գրում է Sputnik Արմենիան։ Նրա խոսքով` նման ուժեղ տնտեսական ակտիվության համար խթան է հանդիսացել սպառողական պահանջարկի աճը։ Այստեղ իր դերն է խաղացել նաև օտարերկրացիների ներհոսքը Հայաստան` նախևառաջ Ռուսաստանից (2.5 անգամ ավելի, քան 2021 թվականին)։ Սպառողական պահանջարկին նպաստել է նաև դրամական փոխանցումների կտրուկ աճը։ 2022-ի երրորդ եռամսյակում փոխանցումները կազմել են միջինում ամսական մոտ 400 մլն դոլար, ինչը 5 անգամ գերազանցել է նախորդ տարվա ցուցանիշը։ Միևնույն ժամանակ սպառողական պահանջարկը ժամանակավոր բնույթ է կրում և կկայունանա 2023 թվականին։ Դա թույլ կտա, որ տնտեսական աճը հավասարակշռվի` դառնալով 4-4,5%։ Ըստ Կուզնեցովի` կտրուկ սպառողական աճը հանգեցրել է գնաճի։ Սակայն պիկը եղել է հունիսին (10․3%), մինչև տարեվերջ ակնկալվում է, որ այն կկազմի 9․5%։ Նվազումն աստիճանաբար կշարունակվի 2023 թվականին և կմոտենա 4%–ին։ 2022 թվականի երրորդ եռամսյակի տվյալներով` Հայաստանի ՀՆԱ–ն մեկ տարում աճել է 14․8 %–ով։ Միևնույն ժամանակ ամենամեծ աճն ապահովել է տեղեկատվության և կապի ոլորտը, ամենաքիչը` կրթության ոլորտը։   Ուշագրավ Ամենից շատ թանկացել է հացաբուլկեղենը՝ 14․1%-ով, և միսը՝ 12․3%-ով Հայաստանի միջազգային պահուստները գրեթե ամբողջությամբ պահվում են արտարժույթով, ոսկի չկա «Այդ ցուցանիշը նշանակում է, որ բիզնես համագործակցությունը զարգանում է դրական հունով», –ասել է նա 2022-ի սեպտեմբերին դրամով հիփոթեքային վարկերի միջին տոկոսադրույքը դարձել է 11.7%, դոլարայինը՝ 9.8%   |  Վերջին լուրեր Սասուն Միքայելյան․ Ռուս խաղաղապահները միակողմանի գործողություններ են անում՝ ի վնաս մեզ  «Խի՞, որ ռուսներն ուզեն, չե՞ն բացի»,-ասել է նաԱՀ ԱԱԾ․ Ադրբեջանի հատուկ ծառայությունները կրկին Ստեփանակերտից բնակիչներին տարհանելու մասին կեղծ փաստաթուղթն են տարածում Նրանք այդ նպատակով օգտագործում են Արցախի Հանրապետության քաղաքացիների ֆեյսբուքյան էջերըԱրցախում գազալցակայանները կաշխատեն մինչև 17։00-ն Դրանք վերսկսել են աշխատանքը հունվարի 28-ին, ժամը 10։30-ից |
