ՌԴ ԱԳՆ ներկայացուցիչը` ռուս զինվորների հետ միջադեպի մասին․ Պարտադիր չէ, որ արձագանքը հրապարակային լինի 23 մարտի 2023 - 17:41 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է Սյունիքի մարզում ադրբեջանցիների կողմից ռուս զինծառայողների վիրավորումն ու միջադեպին Մոսկվայի հնարավոր արձագանքը՝ ասելով, թե պարտադիր չէ, որ այն հրապարակային լինի: Սյունիքի մարզպետարանը մարտի 22-ին հայտնել էր, որ Գորիսի բժշկական կենտրոն է դիմել երկու ռուս զինվորական՝ գլխի վնասվածքներով: Ստանալով բուժօգնություն՝ նրանք դուրս են գրվել։ ՀՀ ԱԺ պատգամավոր Տիգրան Աբրահամյանն ավելի ուշ Sputnik Արմենիային հայտնել էր, որ զինվորականները վիրավորվել են ադրբեջանական ԶՈւ-ի կողմից նրանց մեքենայի գնդակոծության հետևանքով այն պահին, երբ մասնակցում էին մոլորված և կորած հայ պայմանագրային զինծառայողի որոնմանը։ Ճեպազրույցի ժամանակ Զախարովան դեպքի առնչությամբ հայտարարել է, որ տեղի ունեցածի հանգամանքները պարզվում են Պաշտպանության նախարարության միջոցով: Նրա խոսքով՝ անհրաժեշտ է սպասել հետաքննության արդյունքներին։ Երբ այդ արդյունքները լինեն, նա կկարողանա գնահատական տալ, հայտնում է Sputnik Արմենիան։ Ինչ վերաբերում է հարցին, թե ինչպիսին կլինի Մոսկվայի արձագանքը, ԱԳՆ ներկայացուցիչն ուշադրություն է հրավիրել այն հանգամանքի վրա, որ այն միայն հրապարակային չի լինում։ «Ամենատարբեր մակարդակներում երկխոսություն կա։ Եվ եթե ինչ-որ բան չի ասվում հրապարակային, ապա դա չի նշանակում, որ այն չի ասվում հեռախոսով, անձամբ, պաշտոնական գրագրություններում և այլն»,–ասել է նա։ Զախարովան պարզաբանել է, որ տարբեր դաշնակիցների, գործընկերների, բարեկամների հետ Ռուսաստանը սեփական դիրքորոշումը հայտնելու տարբեր ձևեր ունի: Մարտի 22-ին ՀՀ ԶՈւ զինծառայող Մ. Գ.-ն, ով մարտի 21-ին մարտական հենակետ մեքենայով սնունդ տեղափոխելիս մոլորվել էր տեղանքում, որոնողափրկարարական աշխատանքների արդյունքում հայտնաբերվել է: Այդ մասին հայտարարել է ՀՀ պաշտպանության նախարարությունը։ Որոշ ԶԼՄ-ներ գրում էին ռուս զինծառայողների վիրավորման մասին, սակայն, պաշտոնական տեղեկություն դրա մասին մինչ այս պահը չի հրապարակվել։ Մարտի 22-ին, ի պատասխան ԶԼՄ-ների հարցումների, Սյունիքի մարզպետարանը հայտնել է, որ ազգությամբ ռուս 2 զինծառայող մարտի 21-ին դիմել է Գորիսի ԲԿ՝ գլխի շրջանում թեթև մարմնական վնասվածքներով (ոչ հրազենային)։ Նշվում էր, որ նրանք տեղում ստացել են առաջին բուժօգնություն ու անմիջապես դուրս գրվել հիվանդանոցից։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
