Շվեդիայի ԱԳ նախարարը խնդրել է չեղարկել Հայոց ցեղասպանության միջոցառումը Ռիկսդագում` «դա կարող է վնասել Շվեդիայի՝ ՆԱՏՕ-ին միանալուն»21 ապրիլի 2023 - 19:19 AMT PanARMENIAN.Net - ՆԱՏՕ-ին անդամակցելու բանակցությունների փակուղու ֆոնին Շվեդիայի ԱԳՆ-ն, Թոբիաս Բիլստրյոմի գլխավորությամբ, ճնշում է գործադրել հայ-շվեդական բարեկամության խմբի վրա Ռիկսդագում՝ պետական բարձրաստիճան պաշտոնյաներին մասնավոր զրույցներում խնդրելով չեղարկել Հայոց ցեղասպանության այս տարվա ամենամյա միջոցառումը։ Պատգամավոր Բյորն Սյոդերը՝ հայ-շվեդական բարեկամության խմբի ղեկավարը, ասել է, որ ԱԳՆ-ից խնդրել են խմբի անդամներին քննարկել հիշատակի միջոցառումը չեղարկելու հարցը, քանի որ դա կարող է վնասել Շվեդիայի՝ ՆԱՏՕ-ին միանալու հեռանկարներին, գրում է Factor.am-ը Europeanconservative-ի վրա հղումով։ «Մեր կուսակցություններում ներքին կարգով մեզ խնդրել են այս տարի միջոցառում չանցկացնել Ռիկսդագում»,-ասել է Սյոդերը։ Ձախ կուսակցության պատգամավոր Հաքան Սվենելինգը նույնպես կոշտ քննադատության է ենթարկել արտաքին գործերի նախարարության գործողությունները: «Կարևոր է կազմակերպել ցեղասպանության հիշատակի լայնամասշտաբ միջոցառում։ Էրդողանին չպետք է թույլ տրվի որոշել, թե ինչ է կատարվում Շվեդիայի Ռիկսդագում։ Այս ցեղասպանությունը մյուս ցեղասպանությունների նման ամեն տարի ճանաչվում է Ռիկսդագում»,-ասել է պատգամավորը։ Անդրադառնալով այս հարցին՝ արտգործնախարար Թոբիաս Բիլստրյոմը SvD-ին ասել է. «Կասկած չկա, որ Օսմանյան կայսրությունում սարսափելի չարաշահումներ են կատարվել հայ էթնիկ խմբի և այլ փոքրամասնությունների նկատմամբ։ Բայց միայն մի քանի երկրների կառավարություններ են հրապարակայնորեն իրենց դիրքորոշումն արտահայտել այդ հարցում և ճանաչել ցեղասպանությունը, և Շվեդիան նրանցից չէ»։ Շվեդիայի ԱԳ նախարարի այս հայտարարությունը տարակուսելի է, քանի որ 2010թ-ին շվեդական Ռիկսդագը ընդունել է Հայոց ցեղասպանությունը ճանաչող բանաձև։ Նշվում է, որ հայ-շվեդական բարեկամության խումբը միջոցառման չեղարկման վերաբերյալ դեռ որոշում չի կայացրել։ Ապրիլի 26-ին էլ սպասվում է հիշատակի միջոցառում Հայաստանի դեսպանի ելույթով։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՔԿ․ Երևանում բողոքի ակցիայի 2 մասնակից ձերբակալվել է սառը զենք կրելու կասկածանքով Նրանց մոտ հայտնաբերվել է սառը զենքի նմանվող առարկա՝ մեկական ծալովի դանակ Միրզոյանը՝ Ալմաթիում․ Կարող ենք ավելի հեռուն գնալ՝ ապաշրջափակելով տարածաշրջանի բոլոր կոմունիկացիաները Նա նշել է, որ սահմանազատման գործընթացը պետք է անցնի Ալմաթիի հռչակագրի հիման վրա Ադրբեջանագետ․ Ադրբեջանական մամուլը ստանձնել է Փաշինյանի տեղեկատվական աջակցի ֆունկցիան «Սա այն ամենն է, ինչ պետք է իմանալ ՔՊ-ական «ինքնիշխանության» մարտիկների վարած քաղաքականության արդյունքների մասին»,–գրել է նա «ՍոֆթԿոնստրակտ»-ը մասնակցել է Career City Fest 2K24 լավագույն գործատուների փառատոնին Ձեռք են բերվել և՛ աշխատանքային, և՛ կորպորատիվ փոխգործակցության պայմանավորվածություններ |