 ՌԴ ՊՆ․ Ադրբեջանի միակողմանի և չհամաձայնեցված գործողություններով երթևեկությունը Լաչինոց արգելափակվել է՝ բանակցում ենք 25 ապրիլի 2023 - 10:33 AMT PanARMENIAN.Net - Ադրբեջանի միակողմանի և չհամաձայնեցված գործողությունների հետևանքով ապրիլի 23-ին Լաչինի միջանցքով երթևեկությունն արգելափակվել է ռուս խաղաղապահ զորակազմի թիվ 1 դիտակետի մոտ (Հակարիի կամուրջ)։ Այդ մասին ասվում է ՌԴ ՊՆ խաղաղապահ զորակազմի ապրիլի 24-ի տեղեկագրում։ Նշվում է, որ ռուս խաղաղապահների հրամանատարությունը բանակցություններ է վարում Բաքվի հետ։ Հրադադարի խախտում է գրանցվել Մարտակերտի շրջանում։ Տուժածներ չկան։ ՌԴ խաղաղապահ զորակազմի հրամանատարությունը քննություն է իրականացնում փաստի առնչությամբ։ Խաղաղապահները պարեկություն են իրականացրել 3 ուղղությամբ՝ Մարտակերտի, Մարտունու շրջաններում և Լաչինի միջանցքում։ ՌԴ խաղաղապահ զորակազմի ավտոշարասյունը հումանիտար բեռ է տեղափոխել Ստեփանակերտ։ Արցախի տեղեկատվական շտաբն ապրիլի 23-ին հայտնել էր. «Ադրբեջանական կողմը, հերթական անգամ կոպտորեն խախտելով 2020թ. եռակողմ հայտարարության դրույթները և շարունակաբար ապատեղեկատվություն տալով Հայաստանից Արցախ զենքի տեղափոխության վերաբերյալ, փակել է Արցախ-Հայաստան սահմանագծին գտնվող Հակարիի կամուրջը, որը գտնվում է ՌԴ խաղաղապահ զորակազմի պատասխանատվության տիրույթում՝ Լաչինի միջանցքում»։ Այնուհետև Ադրբեջանի պետական սահմանապահ ծառայությունը հայտարարել էր, որ հսկիչ անցագրային կետ է տեղակայել Լաչին-Ստեփանակերտ ճանապարհին։ Photo. AFP   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
