ConFEAS համաժողովը` Team-ի աջակցությամբ առաջին անգամ Հայաստանում16 հունիսի 2023 - 19:15 AMT PanARMENIAN.Net - Երևանում կայացել է ConFEAS 2023 միջազգային հեղինակավոր համաժողովը, որի ընթացքում Եվրո-Ասիական ֆոնդային բորսաների միության անդամ բորսաներն ու դեպոզիտարիաները, ինչպես նաև ֆինանսական ոլորտի հատուկ հյուրերը քննարկել են կապիտալի շուկայի արդի հիմնահարցերը, մարտահրավերներն ու հնարավորությունները: Team Telecom Armenia-ն միացել էր նախաձեռնությանը՝ աջակցելու ֆինանսական շուկայի զարգացմանը և նոր փորձի ներդրմանը։ Համաժողովին ելույթ է ունեցել 40 բանախոս, իսկ միջոցառմանը մասնակցում էր 200 մասնագետ ավելի քան 30 երկրից։
«Սա մեծ հնարավորություն էր՝ նոր գիտելիքներ ու ծանոթություններ ձեռք բերելու։ Շնորհակալ եմ մեր բոլոր մասնակիցներին, ԵՖԲՄ անդամներին, և, իհարկե, մեր հովանավորներին, որոնց շնորհիվ կայացավ համաժողովը»,- նշել է ԵՖԲՄ գլխավոր քարտուղար Կոնստանտին Սարոյանը։ Team Telecom Armenia-ի ֆինանսական տնօրեն Կարեն Մնացականյանը կարևորել է կապիտալի շուկայի զարգացման գործում երկրի խոշոր ընկերությունների դերը։ «Հայաստանում ներդրումներ ապահովելու ամենաարդյունավետ ճանապարհը արժեթղթերի առաջնային շուկայի զարգացումն է և բորսայական առևտրի ակտիվացումը։ Այս համաժողովը այն անհրաժեշտ հարթակն էր, որտեղ մեր միջազգային գործընկերների հետ քննարկեցինք կապիտալի շուկայում առկա հնարավորություններն ու բացերը՝ գտնելու լավագույն լուծումները։ Team-ը օրեր առաջ հայտարարեց առաջնային հրապարակային առաջարկի միջոցով բաժնետոմսերի տեղաբաշխման մեկնարկի մասին։ Սա հանրային ու բաց գործելուն, ինչպես նաև ֆինանսական շուկայի զարգացմանը նպաստելուն ուղղված կարևոր քայլ է։ Կարծում եմ՝ ցուցակված ընկերություն լինելը պետք է դառնա վարակիչ նաև մյուս ընկերությունների համար»,-նշել է նա։
«Տելեկոմ Արմենիա» ԲԲԸ-ի բաժնետոմսերի ազդագիրը գրանցված է ՀՀ կենտրոնական բանկի կողմից: Բաժնետոմսերի տեղաբաշխողն է «Ամերիաբանկ» ՓԲԸ-ն։ Բաժնետոմսերի հրապարակային առաջարկի մանրամասները`կայքում։ Միջոցառումը Հայաստանում տեղի է ունեցել առաջին անգամ՝ նպատակ ունենալով ոլորտի առաջատար մասնագետներին հրավիրել Երևան փորձի փոխանակման և նոր ծանոթությունների հաստատման: Նախորդ տարիներին կոնֆերանսը կազմակերպվել է Աբու Դաբիում և Բուխարեստում: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |