Ալիև․ Հիմա ավելի հեշտ կլինի լուծում գտնել և արագացնել խաղաղության պայմանագրի ստորագրումը

Ալիև․ Հիմա ավելի հեշտ կլինի լուծում գտնել և արագացնել խաղաղության պայմանագրի ստորագրումը

PanARMENIAN.Net - Ադրբեջանի նախագահ Իլհամ Ալիևը հայտարարել է, թե Բաքուն ու Երևանը կարող են արագացնել խաղաղության պայմանագրի ստորագրումը այն բանից հետո, ինչ կատարվեց սեպտեմբերի 20–ին։

«Ժամանակն է, որ Ադրբեջանի և Հայաստանի թիմերը նստեն և աշխատեն խաղաղության պայմանագրի նախագծի վրա։ Կարծում եմ` սեպտեմբերի 20–ից հետո, երբ Ադրբեջանը վերականգնեց իր ինքնիշխանությունը, ավելի հեշտ կլինի լուծում գտնել և որքան հնարավոր է արագ ստորագրել խաղաղության պայմանագիրը»,–ասել է նա, հայտնում է Haqqin.az-ը։

Ըստ նրա, դրանից հետո կամ զուգահեռ պետք է ակտիվորեն աշխատել սահմանազատման վրա և վերջ դնել տևական հակամարտությանը։

«Հայաստանը պետք է ընտրություն կատարի»,–ասել է նա՝ հավելելով, թե Ադրբեջանը խաղաղություն է ուզում։

Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Սեպտեմբերի 20-ի առավոտվա դրությամբ մի շարք քաղաքներից ու գյուղերից ավելի քան 7000 մարդ էր տարհանվել, առնվազն 200 զոհ կար և 400 վիրավոր։ Բաքուն հայտարարել էր, որ չի դադարեցնի ռազմական գործողությունները, մինչև Արցախի ՊԲ-ն վայր չդնի զենքերը, ԱՀ իշխանությունն էլ չլուծարվի:

Սեպտեմբերի 20–ին հայտնի դարձավ, որ ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ, ըստ էության համաձայնվելով Բաքվի պայմաններին՝ ՊԲ զինաթափում և լուծարում։ Սեպտեմբերի 21–ին Եվլախում հանդիպել են Բաքվի և ԼՂ ներկայացուցիչները, այնուհետև սեպտեմբերի 25-ին՝ Իվանյանում։ Սեպտեմբերի 24-ից արցախցիների բռնի տեղահանում է սկսվել, ԼՂ ղեկավարության խոսքով՝ բոլորը հեռանալու են երկրից:

 Ուշագրավ
Փետրվարի 1–ից ՀՀ–ն պաշտոնապես միացել է Հաագայի Միջազգային քրեական դատարանին
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
Ալեյնիկն ասել է, որ հաջողվել է համաձայնեցնել գրեթե բոլոր փաստաթղթերը
---