Պեսկով․ Մոսկվան ոչ կոռեկտ է համարում ՀՀ միացումը Հռոմի ստատուտին 3 հոկտեմբերի 2023 - 18:32 AMT PanARMENIAN.Net - ՌԴ նախագահի մամուլի քարտուղար Դմիտրի Պեսկովը հայտարարել է, որ Մոսկվան ոչ կոռեկտ է համարում ՀՀ կողմից Հռոմի ստատուտի վավերացումը։ «Անշուշտ, ցանկալի չէր լինի, որ ՌԴ նախագահը երբևէ ինչ–ինչ պատճառներով ստիպված լինի հրաժարավել Հայաստան այցերից»,– ասել է նա, գրում է ՌԻԱ Նովոստին։ Նա Հայաստանին ՌԴ դաշնակից ու գործընկեր է անվանել։ «Իհարկե, ՀՀ գործող ղեկավարությանը նոր լրացուցիչ հարցեր կառաջանան, դրանք նախապես փոխանցվել էին հայկական կողմին։ Մենք կասկածում ենք և հենց սկզբից էլ կասկածում էինք, որ երկկողմ հարաբերությունների տեսակետից ՀՀ միանալը Հռոմի ստատուտին կոռեկտ կարող է լինել։ Նախկինի պես կարծում ենք, որ դա ոչ կոռեկտ որոշում է»,– ասել է նա։ Ըստ Պեսկովի, Մոսկվան և Երևանը պետք է դրա հետ կապված դիվանագիտական լուծում գտնեն, գրում է ՏԱՍՍ–ը։ «Մեր շփումները մշտապես ընթանում են տարբեր մակարդակներով և մենք լուրջ խոսակցություններ ենք ունենալու այդ թեմայով։ Պետք է ինչ–որ դիվանագիտական լուծում գտնել այդ կապակցությամբ»,–ասել է նա։ Հոկտեմբերի 3–ին ՀՀ ԱԺ–ն վավերացրել է Հռոմի ստատուտը։ Ավելի վաղ ՌԴ ԱԳՆ–ն հայտարարել էր, որ Հայաստանի կողմից Հռոմի ստատուտը վավերացնելու որոշումն ամենաբացասական հետևանքները կունենա երկկողմ հարաբերությունների վրա։ Photo. Ria Novosti   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
