Թուրքիայի նախագահ Ռեջեփ Թայիփ Էրդողանը հայտարարել է, որ Անկարան կշարունակի Հայաստանի հետ հարաբերությունների կարգավորման գործընթացը՝ այն համաձայնեցնելով Ադրբեջանի հետ։

Հայտարարությունը նա հնչեցրել է Անթալիայի դիվանագիտական ֆորումի բացման արարողության ժամանակ՝ ասելով, որ «Ղարաբաղի հարցը լուծելուց» հետո կշարունակեն Հայաստանի հետ հարաբերությունների կարգավորման գործընթացը, հայտնում է Aysor.am-ը։

«Մենք կշարունակենք հարաբերությունների կարգավորման գործընթացը Հայաստանի հետ՝ Ադրբեջանի հետ համակարգմամբ»,- հայտարարել է Էրդողանը։

Հայ–թուրքական հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը հայ գործընկեր Ռուբեն Ռուբինյանին առաջարկել է հաջորդ շաբաթ հանդիպել Երևանում։ Այդ մասին Քըլըչը հայտնել է Անթալիայում դիվանագիտական ֆորումի ժամանակ։ Ռուբինյանն ավելի ուշ ասել է, որ խոսել են Քըլըչի հետ և սահմանը կբացվի երրորդ երկրների քաղաքացիների համար:

Ընթերցեք նաև․ Ռուբինյան․ Պատճառ չեմ տեսնում, թե ինչու հայ-թուրքական սահմանը պետք է փակ լինի