Տասմագամբետով. ՀՀ-ն ՀԱՊԿ-ի իրավահավասար գործընկերն է` պատրաստ ենք երկխոսության

PanARMENIAN.Net - Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Իմանգալի Տասմագամբետովը, անդրադառնալով ՀՀ հետ հարաբերություններին, ասել է, որ ՀԱՊԿ-ը շարունակում է Հայաստանին դիտարկել որպես իրավահավասար գործընկեր։

Նա հավելել է, որ կազմակերպությունը պատրաստ է Երևանի հետ երկխոսության, հայտնում է «Սոյուզնիկի․ՕԴԿԲ» կայքը։

«Ինչպես գիտեք, Հայաստանի ներկայացուցիչները չեն մասնակցել ՀԱՊԿ զորավարժություններին։ Այնուամենայնիվ, մենք նախկինի պես Հայաստանին դիտարկում ենք որպես իրավահավասար գործընկեր կազմակերպության ձևաչափում, պատրաստ ենք երկխոսության Երևանի մեր գործընկերների հետ ակտուալ բոլոր հարցերի շուրջ»,–ասել է նա։

Վարչապետ Նիկոլ Փաշինյանը Համաշխարհային հայկական երկրորդ գագաթնաժողովում կրկնել է իր այն արտահայտությունը, որ ՀԱՊԿ-ը սպառնալիքներ է ստեղծում Հայաստանի հետագա գոյության և պետականության համար։ Վարչապետն անդրադարձել է նաև ՀԱՊԿ-ում քննարկվող այն թեմային, թե արդյոք Հայաստանը մտածում է վերադառնալ մասին։ Փաշինյանը նշել է, որ անդամակցությունը ՀԱՊԿ-ին կվերականգնվի այն ժամանակ, երբ Հայաստանը սպառիչ պատասխաններ կսատնա իր հնչեցրած հարցերին։

Հայաստանը դե ֆակտո սառեցրել է իր մասնակցությունը ՀԱՊԿ–ին, թեև դեռես դուրս չի եկել կազմակերպությունից, բայց չի մասնակցում զորավարժություններին և պատրաստվում է ձեռնպահ նաև ֆինանսավորումից։