Պուտինը Փաշինյանի և Ալիևի հետ առանձին հանդիպումներում քննարկելու է ՀՀ և Ադրբեջանի հարաբերությունների կարգավորումը 8 հոկտեմբերի 2024 - 11:54 AMT PanARMENIAN.Net - Ռուսաստանի նախագահ Վլադիմիր Պուտինը Կրեմլում կընդունի ԱՊՀ պետությունների ղեկավարներին։ Նախքան ԱՊՀ պետությունների ղեկավարների խորհրդի նիստի մեկնարկը Ռուսաստանի նախագահը երկկողմ հանդիպումներ կունենա Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Երկու հանդիպումներն էլ նվիրված կլինեն նույն թեմային՝ Բաքվի և Երևանի հարաբերությունների կարգավորմանը՝ 2020 թվականի եռակողմ պայմանավորվածությունների հիման վրա, հայտնում է ՏԱՍՍ–ը։ Փաշինյանի և Ալիևի հետ բանակցություններին կհաջորդի ԱՊՀ երկրների ղեկավարների խորհրդի նեղ կազմով նիստը, որը կշարունակվի ընդլայնված կազմով։ Նախատեսվում է, որ հանդիպումների արդյունքներով մի շարք փաստաթղթեր կստորագրվեն։ ԱԳ նախարարի մամուլի խոսնակ Անի Բադալյանը հայտնել է, որ Մոսկվայում ՀՀ և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի առանձին հանդիպում նախատեսված չէ: Սեպտեմբերի 26-ին Նյու Յորքում կայացել էր Հայաստանի ԱԳ նախարար Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի եռակողմ հանդիպումը։ Ըստ ԱԳՆ-ի հաղորդագրության՝ կողմերը համաձայնել են ներդնել լրացուցիչ ջանքեր «Խաղաղության և միջպետական հարաբերությունների հաստատման մասին» համաձայնագրի՝ ամենասեղմ ժամանակահատվածում կնքման ուղղությամբ։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
