ՀԱՊԿ-ում ՌԴ մշտական ներկայացուցիչ. Արևմուտքը թեժացնում է անկայունությունը կովկասյան տարածաշրջանում 9 դեկտեմբերի 2024 - 13:00 AMT PanARMENIAN.Net - ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը հայտարարել է, որ Արևմուտքը թեժացնում է անկայունությունը կովկասյան տարածաշրջանում։ Նա այդ մասին ասել է «Սոյուզնիկի․ ՕԴԿԲ» պարբերականին տված հարցազրույցում։ «Արևմուտքը թեժացնում է անկայունությունը հավաքական անվտանգության Կովկասի տարածաշրջանում։ Իրադրությունը կայուն լարված է նաև Կենտրոնական Ասիայի տարածաշրջանում, որտեղ չեն նվազում Աֆղանստանից թմրանյութերի սպառնալիքի, ահաբեկչության և ծայրահեղականության տարածման ռիսկերը»,- ասել է նա։ Նա հավելել է, որ ՀԱՊԿ–ը գործում է տարածաշրջանային և գլոբալ իրավիճակի դեգրադացիայի և միջազգային հարաբերություններում ճգնաժամի ֆոնին։ «Առանցքային դերակատարները դե ֆակտո հրաժարվել են միջազգային իրավունքի ունիվերսալ նորմերից, նվազել է անվտանգության «շեմը», աճում է խնդիրներն ուժային մեթոդով լուծելու պրակտիկան, իսկ դրանց կարգավորման հեռանկարները մշուշոտ են»,–ասել է նա։ Դիվանագետը նաև խոսել է ՆԱՏՕ-ի աճող ակտիվության մասին Ռուսաստանի և Բելառուսի սահմանների մոտ, այդ թվում՝ միջուկային ներուժ ունեցող սպառազինության համակարգերի հնարավոր տեղակայմամբ: Վասիլևը հավելել է, որ Եվրոպայում ընդհանուր առմամբ լարվածության աննախադեպ աճ է արձանագրում։ «Ռազմավարական իրավիճակը վատթարացել է նաև Հյուսիսատլանտյան դաշինքին Ֆինլանդիայի և Շվեդիայի անդամակցելուց հետո»,-նշել է նա: Նա նշել է, որ «քնած» հակամարտություններից շատերը այժմ թեժ փուլում են, իսկ որոշ հակամարտություններ վերաճել են տարածաշրջանայինի և «հաճախ կառավարվում են դրսից, այսպես կոչված պրոքսի–խաղացողների ներգրավմամբ»։ Հայաստանի վարչապետ Նիկոլ Փաշինյանը 2024 թվականի փետրվարին հայտարարել էր, որ Հայաստանը գործնականում սառեցրել է մասնակցությունը ՀԱՊԿ-ին։ Նա նշել էր, որ ՀԱՊԿ-ը չի կատարել Հայաստանի նկատմամբ պարտավորությունները, ինչն առանց հետևանքների չէր կարող մնալ։ Հայաստանը սառեցրել է իր մասնակցությունը ՀԱՊԿ-ին, հրաժարվել է իր բաժին ֆինանսավորումը հատկացնել այդ կառույցին, տևական ժամանակ չի մասնակցում համատեղ զորավարժություններին, հանդիպումներին։ Փաշինյանը հայտարարել է, որ ՀԱՊԿ–ին անդամության հարցում, հավանաբար, անցել ենք անդառնալիության կետը:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
